Körneki suret. Foto: https://cabar.asia

Qazaqstan jahandıq teñizge şığar jolı joq damuşı elder tobınıñ törağası bolıp saylandı.

Qazaqstannıñ BWW janındağı twraqtı ökili Qayrat Omarov: «Qazaqstan – jer aumağı jağınan teñizge şığar jolı joq eñ iri el. Sol sebepti osı elder tobında törağalıq etu biz üşin öte paydalı äri tiimdi bolmaq. Öytkeni özimiz de osı mäselelermen aynalısıp, tranzit pen özara ärekettesudi jaqsartıp, älemdik sauda ortalıqtarına şığu joldarın tabuğa tırısıp kelemiz»,– deydi.

2021 jılğa deyin basşılıq etetin topqa 32 memleket kiredi: Afrika, Aziya, Europa jäne Oñtüstik Amerika elderi. Müşe memleketterdiñ bäri Qazaqstannıñ törağalığına bir auızdan qoldau bildirgen.

Törağalıq etu kezinde Qazaqstan BWW mekemelerin, halıqaralıq qarjı instituttarın, jeke sektordı jäne ğılımi ortalardı qosa alğanda, damuşı elder tobı men barlıq müddeli taraptar arasındağı ıntımaqtastıqtı arttıru jüktelgen. Sonımen qatar, jaña jol kartası äzirlenedi.

"The Qazaq Times"