قازاقستان جاھاندىق تەڭىزگە شىعار جولى جوق دامۋشى ەلدەر توبىنىڭ توراعاسى بولىپ سايلاندى.

قازاقستاننىڭ بۇۇ جانىنداعى تۇراقتى وكىلى قايرات وماروۆ: «قازاقستان – جەر اۋماعى جاعىنان تەڭىزگە شىعار جولى جوق ەڭ ءىرى ەل. سول سەبەپتى وسى ەلدەر توبىندا توراعالىق ەتۋ ءبىز ءۇشىن وتە پايدالى ءارى ءتيىمدى بولماق. ويتكەنى ءوزىمىز دە وسى ماسەلەلەرمەن اينالىسىپ، ترانزيت پەن ءوزارا ارەكەتتەسۋدى جاقسارتىپ، الەمدىك ساۋدا ورتالىقتارىنا شىعۋ جولدارىن تابۋعا تىرىسىپ كەلەمىز»،– دەيدى.

2021 جىلعا دەيىن باسشىلىق ەتەتىن توپقا 32 مەملەكەت كىرەدى: افريكا، ازيا، ەۋروپا جانە وڭتۇستىك امەريكا ەلدەرى. مۇشە مەملەكەتتەردىڭ ءبارى قازاقستاننىڭ توراعالىعىنا ءبىر اۋىزدان قولداۋ بىلدىرگەن.

توراعالىق ەتۋ كەزىندە قازاقستان بۇۇ مەكەمەلەرىن، حالىقارالىق قارجى ينستيتۋتتارىن، جەكە سەكتوردى جانە عىلىمي ورتالاردى قوسا العاندا، دامۋشى ەلدەر توبى مەن بارلىق مۇددەلى تاراپتار اراسىنداعى ىنتىماقتاستىقتى ارتتىرۋ جۇكتەلگەن. سونىمەن قاتار، جاڭا جول كارتاسى ازىرلەنەدى.

"The Qazaq Times"