Tramptıñ 4 jasında twrğan üyi. Foto: The Wall Street Journal

Tanımal «The Wall Street Journal» basılımında, osığan birneşe kün bwrın Tramptıñ bala küninde twrğan üyiniñ satılğanı turalı arnaulı maqala basıldı. Üy aukcionğa qoyu arqılı satılğan. Eñ qızığı, satıp aluğa talasqandardıñ basım köbi qıtaylıq qaltalılar bolıptı. Qıtayğa qırın qaraytın Tramptıñ twrağı qıtaylıqtar üşin nege sonşa ötimdi boldı? Eli Rozenberg  jäne Sara Maslin Nayr ekeuiniñ maqalası osını bayandaydı.

Qañtar ayınıñ soñı. Kuines twrğındar rayonınıñ artındağı YAmayka joğarı därejeli twrğındar aulasında şağın janama jolmen birneşe qara tüsti «Escalade» avtokölikteri kirgen. Olar qarapayım Tudro stilindegi kottedjdiñ aldına kelip toqtadı. Al, bwl kottedj bolsa prezident Trampnıñ tört jasında twrğan eski twrağı.  Körşilerdiñ aytısına qarağanda, kelgen säuletti kostyum kigen qıtaylıq er adam avtokölikten tüsken.

Körşileri bwl üydiñ qañtar ayınan bastap aukcionğa şığarılğanın, sodan beri üydi köruge kelgenderdiñ ayağı üzilmedi deydi. (Olardıñ jeke ömiriniñ qauipsizdigi üşin tek körşiler dep qana ataldı/ The Wall Street Journal)  Sonıñ basım köbi şeteldikter, äsirese qıtaylıqtar bolğan eken. Tek ötken apta da ğana bwl üydiñ satılğanı turalı aukcionnıñ saytında belgili bolğan.  Bwl üy ne üşin sonşama köp qıtaylıq qaltalılardıñ qızığuşılığın oyattı? Bwl swraq körşisine de qızıq sekildi. Ol: «Bwl üydiñ qızığarlıq nesi bar ekenin tüsine almadım?», – deydi tañdanıp.

Tramptıñ bala küninde twrğan üyin satuşı, amerikalıq JŞS jıljımaytın mülikti satumen aynalısatın kompaniya. Al satıp aluşınıñ kim ekeni äzirge anıq emes. Alayda osığan qatısı insayderdiñ aytuına qarağanda, bwl twrar-jaydı qıtaylıq qaltalı äyel satıp alıptı. Mämile barısındağı jıljımaytın mülikke jauaptı zañger Maykl Tañ ( Michael X. Tang) esimdi advokat bolıp şıqtı. Al onıñ hatşısı seysenbi küni, bwl is turalı Tañnıñ eşqanday da tüsinikteme bere almaytındığın aytqan.

Tramppen qatısı bar bolğan jıljımaytın mülikter arasında bwl üy köp adamnıñ qızığuşılığın oyatqan. Tipti, Tramptıñ bwl qonısta twrmağanına da birneşe ondağan jıl ötse de,  twrar jay satıp aluşılardı qızıqtırıp otır. Aulası aynaldıra qorşalmağan, tek külgin jäne aq tüsti iisti gülder egilgen. Äzirge üydiñ montazday etip tazalanğanı anıq.

Heti Han N'yu-Yorktegi jıljımaytın mülik agenti bolıp jwmıs jasaydı. Ol Tramptıñ köne twrağınıñ satılımğa şığarılğanın estigende-aq, qıtaylıqtardıñ qızığuşılığın tudıratınınan kümändanbağan eken. Ol: «Men bilemin, Tramp bolsa Amerikadağı daulı adam bolıp sanaladı. Biraq, qıtaylıqtar üşin, Tramp – eñ tabıstı tanımal twlğa. Bwl satıp aluşı äyel jöninen alıp aytqanda, Tramptıñ tabısqa jetken käsipkerligi qızıqtırıp otır. Saudadağı tabıskerlik qıtayda eñ bir auız toltıra aytatın abıroylı is sanaladı», – degen közqarasın bildirdi.

Tramp sayasatta täjiribesiz twlğa bolsa da, qazir Amerika Qwrama Ştatınıñ prezidenti bolıp tağayındaldı. Heti Han bwnı bir kinoğa köbirek wqsatadı eken. Bir esepten alıp aytqanda bwl twlğanıñ ömirinde tabısqa jetu, jolı boludıñ epizodtarı köp. Köptegen qıtaylıqtar üşin Tramptıñ jolın özine bersin degen ırımğa köbirek wqsaytın ınta-niet boldı. Sonıñ arqasında bwl üy satılımğa şığarılısımen köptegen qıtaylıqtardıñ  qızığuşılığın tudırdı dep qaraydı.

Aud: Estay Bojan

“The Qazaq Times”