Izrail' öziniñ zañsız jaulap alğan Batıs jağalau öñirin sayasi kartalarına engize bastadı. Bwl turalı sol eldiñ prem'er-ministri Ben'yamin Netan'yahu mälimdedi. Ol sonday-aq, AQŞ prezidenti Donal'd Tramp alğa qoyğan «Beybitşilik josparı boyınşa» Batıs jağalaudağı keybir jerler tolıqtay Izrail' ieligine ötetinin jetkizdi.

«Biz qazirdiñ özinde bwl aymaqtardı kartağa tüsirip jatırmız. Prezident Tramp wsınğan jospar boyınşa köp ötpey bwl aymaq Izrail'diñ ieligine aynaladı. Bwğan köp uaqıt ketpeydi», – dedi Netan'yahu. Onıñ aytuınşa bwl aymaqqa Izrail'diñ barlıq eldi mekenderi jäne Iordan alqabı kiredi.

Atalğan aymaq 1967 jılı Izrail' tarabınan qarulı küşpen basıp alınğan. Sodan beri Izrail' qarulı küşteriniñ baqılauında. Al, Palestina azamattarı bwl aymaqta derbes Palestinanı qwrıp şıqqısı keledi.

Palestinanı azat etuşi wyımdar Izrail' prem'eriniñ kezekti mälimdemesin ayıptap mälimdeme tarattı. Olar mälimdemesinde: «Palestinada tek bir ğana sayasi karta bar, ol 1967 jılğı derbes Palestina kartası», – degen.

Izrail'diñ bwl aymaqtı annekciyalay alu, almauı belgisiz. Biraq, Qwrama Ştattarmen birlese qarqındı qadamdar jasap jatır. Palestina jerin basıp alu jäne annekciyalauğa baylanıstı halıqaralıq qauımdastıq Izrail' ükimeti ayıptap keledi.

“The Qazaq Times”