Körneki kollaj. Foto: äleumettik jeli

Jambıl oblısınıñ policiya departamenti Qorday audanına qarastı Masanşı auılında bolğan rezonans sipatındağı janjal turalı mälimdeme jasap, prezident Toqaev pikir bildirdi.

Policiya departamentiniñ tergeu basqarması taratqan habarğa qarağanda, jappay töbeleske qatıstı Qılmıstıq kodekstiñ 293-şi «bwzaqılıq» babımen tergeu isi bastalğan. Vedomstvo mälimetinşe, bügin, aqpannıñ 7-si Qorday audanınıñ Masanşı auılında köpşilik kölemde töbeles bolğan.

Departamenttiñ aqparatınşa, 7 aqpanda Qorday audanı Masanşı auılında twrğındar arasında janjal şıqqan. Organ töbeleske ne türtki bolğanın aytpadı.

«Policeyler janjaldı toqtattı. Jağday qazir baqılauda» delingen departament mälimdemesinde. Bügingi tañda tärtip bwzğandar men bülik sebepkerleri anıqtalıp jatqanı aytıldı.

WhatsApp jäne Instagram äleumettik jelisinde tarağan videofragmentterde bülingen ğimarat, policiya kölikteri, audarılğan kölik pen qolına qaru wstağan toptıñ körinisi bayqaladı, sonday-aq tapanşanıñ dauısı estiledi.

Qwzırlı organ habarlamada halıqtı «jalğan aqparatqa senbeuge şaqırıp, feyk derek taratuşılar jauapqa tartılıtının» eskertti.

Videodan policey qızmetkerine bağınbay, qol köterip qarsılasqan äldebir azamattıñ äreketin köruge boladı. Keybir aqparat portalında beyresmi derek közderi boyınşa, jwma küni keşkilik uaqıtta Masanşı auılında kemi bir twrğın üy örtengeni habarlandı. Tipti Qorday audanına özge audannıñ policiya qızmetkerleri jwmıldırılıp jatqan körinedi. Äleumettik jelide tarağan derekterge süyensek, toptıq töbeles wltaralıq qaqtığısqa wlasqan boluı mümkin. Jergilikti halıqtıñ arasında tuğan janjaldıñ qandayda bir wltarazdıq sipatı barı jöninde resmi aqparat berilmedi.

Qorday audanındağı örtengen üy delingen videodan skrin-qiındı. Foto: äleumettik jeli

Memleket basşısı Toqaev öz Twitter parağında atalğan oqiğağa baylanıstı pikir bildirdi.

Prezident «Jambıl oblısı Qorday audanında bwzaqılıq sipattağı jappay töbeles boldı. Onı arandatuşılar öz paydasına qoldanbaq bolğan. Policiya jağdaydı rettep, öz baqılauına aldı. Qoğamdıq tärtipti bwzğandar jauapkerşilikke tartıladı», – dep jazdı

“The Qazaq Times”