Foto: REUTERS

Türkiyanıñ şığısında bolğan jer silkinisinen qaza tapqandar sanı 38-ge jetken.

Mälim etilgendey, qwtqaruşılar üyindiler astınan zardap şekken 44 adamdı alıp şıqtı. Medicinalıq kömekke barlığı 1566 adam jügingen. 76 ğimarat qirap, 643 nısanğa aytarlıqtay nwqsan kelgen. 425 nısan jeñil jäne ortaşa deñgeyde zaqımdandı. Zilzaladan keyin ile-şala 599 afterşok tirkeldi.

25 qañtarda jer silkinisiniñ oşağı Elyazıg provinciyasında tirkelgen. Elyazıg provinciyasınıñ Sivridj uezde 5 jäne Malat'ya provinciyasındağı Doganyol audanında 25 ğimarat qwlağan.

24 qañtarda Ankara türik provinciyasınıñ Ak'yurt audanında magnitudası 4,5 baldıq jer silkingen. Türkiya ükimeti janındağı(AFAD) Tötenşe jağdaylardıñ aldın alu jäne joyu basqarmasınıñ mälimetine säykes, jerastı dümpui jergilikti uaqıtpen 06.54-te tirkelgen. Zilzala oşağı 13 kilometr tereñdikte ornalasqan.

Qazaqstan SİM habarlağanday, zardap şekkender arasında qazaqstandıqtar joq. Apat orın alğannan keyin, Qazaqstan prezidenti Qasım-Jomart Toqaev Türkiya basşısı Rejen Tayıp Erdoğanğa köñil ayttı.

"The Qazaq Times"