تۇركيانىڭ شىعىسىندا بولعان جەر سىلكىنىسىنەن قازا تاپقاندار سانى 38-گە جەتكەن.
ءمالىم ەتىلگەندەي، قۇتقارۋشىلار ۇيىندىلەر استىنان زارداپ شەككەن 44 ادامدى الىپ شىقتى. مەديتسينالىق كومەككە بارلىعى 1566 ادام جۇگىنگەن. 76 عيمارات قيراپ، 643 نىسانعا ايتارلىقتاي نۇقسان كەلگەن. 425 نىسان جەڭىل جانە ورتاشا دەڭگەيدە زاقىمداندى. ءزىلزالادان كەيىن ىلە-شالا 599 افتەرشوك تىركەلدى.
25 قاڭتاردا جەر سىلكىنىسىنىڭ وشاعى ەليازىگ پروۆينتسياسىندا تىركەلگەن. ەليازىگ پروۆينتسياسىنىڭ سيۆريدج ۋەزدە 5 جانە مالاتيا پروۆينتسياسىنداعى دوگانيول اۋدانىندا 25 عيمارات قۇلاعان.
24 قاڭتاردا انكارا تۇرىك پروۆينتسياسىنىڭ اكيۋرت اۋدانىندا ماگنيتۋداسى 4,5 بالدىق جەر سىلكىنگەن. تۇركيا ۇكىمەتى جانىنداعى(AFAD) توتەنشە جاعدايلاردىڭ الدىن الۋ جانە جويۋ باسقارماسىنىڭ مالىمەتىنە سايكەس، جەراستى ءدۇمپۋى جەرگىلىكتى ۋاقىتپەن 06.54-تە تىركەلگەن. ءزىلزالا وشاعى 13 كيلومەتر تەرەڭدىكتە ورنالاسقان.
قازاقستان ءسىم حابارلاعانداي، زارداپ شەككەندەر اراسىندا قازاقستاندىقتار جوق. اپات ورىن العاننان كەيىن، قازاقستان پرەزيدەنتى قاسىم-جومارت توقاەۆ تۇركيا باسشىسى رەجەن تايىپ ەردوعانعا كوڭىل ايتتى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟