Foto: https://www.occupy.com

Sot jüyesindegi reformada mäsele tuındağan Pol'şa Euroodaq qwramınan şığuı mümkin. Bwl turalı odaq keñesiniñ basşısı Donal'd Tusk habarladı.

Mälimetter boyınşa, Varşava Bryussel'diñ kelisiminsiz sot jüyesindegi reformalarğa soñğı eki jılda 13 ret özgeris engizgen. Soñğı ret Varşava sot zañına tüzetulerdi 1 apta bwrın engizdi. Europalıq sayasattanuşılardıñ pikirinşe, bwl Bryussel'men aradağı qatınastıñ şielenisuine äkelui mümkin.

Sayasattanuşı Maksim Androşenko: «Pol'şağa ekonomika twrğısınan da sayasi twrğıdan da odaqta bolu tiimdi. Integraciyalıq processter wzaq uaqıt jürgizildi. Sondıqtan memlket odaqtan sot reforması üşin şığıp kete qoymas. Jergilikti bilik bir şeşimin tabadı degen oydamın», – deydi.

Qanşa degenmen, Pol'şa Europalıq odaq qwramında bolu arqılı el ekonomikasına payda tüsirip otırğanın eskersek, resmi Varşava bwl mäseleni retteuge den qoyuı tiis.

"The Qazaq Times"