پولشا ەۋرووداق قۇرامىنان شىقپاق

سوت جۇيەسىندەگى رەفورمادا ماسەلە تۋىنداعان پولشا ەۋرووداق قۇرامىنان شىعۋى مۇمكىن. بۇل تۋرالى وداق كەڭەسىنىڭ باسشىسى دونالد تۋسك حابارلادى.

مالىمەتتەر بويىنشا، ۆارشاۆا بريۋسسەلدىڭ كەلىسىمىنسىز سوت جۇيەسىندەگى رەفورمالارعا سوڭعى ەكى جىلدا 13 رەت وزگەرىس ەنگىزگەن. سوڭعى رەت ۆارشاۆا سوت زاڭىنا تۇزەتۋلەردى 1 اپتا بۇرىن ەنگىزدى. ەۋروپالىق ساياساتتانۋشىلاردىڭ پىكىرىنشە، بۇل بريۋسسەلمەن اراداعى قاتىناستىڭ شيەلەنىسۋىنە اكەلۋى مۇمكىن.

ساياساتتانۋشى ماكسيم اندروشەنكو: «پولشاعا ەكونوميكا تۇرعىسىنان دا ساياسي تۇرعىدان دا وداقتا بولۋ ءتيىمدى. ينتەگراتسيالىق پروتسەسستەر ۇزاق ۋاقىت جۇرگىزىلدى. سوندىقتان مەملكەت وداقتان سوت رەفورماسى ءۇشىن شىعىپ كەتە قويماس. جەرگىلىكتى بيلىك ءبىر شەشىمىن تابادى دەگەن ويدامىن»، – دەيدى.

قانشا دەگەنمەن، پولشا ەۋروپالىق وداق قۇرامىندا بولۋ ارقىلى ەل ەكونوميكاسىنا پايدا ءتۇسىرىپ وتىرعانىن ەسكەرسەك، رەسمي ۆارشاۆا بۇل ماسەلەنى رەتتەۋگە دەن قويۋى ءتيىس.

"The Qazaq Times"