QR WQK. Foto: http://rakysh.com

Biıl Qazaqstanda terrorizm men ekstremizmge qatısı bar 31 şeteldik wstalğan. Bwl turalı Wlttıq qauipsizdik qızmeti habarladı.

Parlament Mäjilisiniñ jalpı otırısında WQK komiteti törağasınıñ orınbasarı Nwrğali Bilisbekov: «Öñirlik terrorizmge qarsı qwrılımnıñ ayasında taraptardıñ şekara qızmetteri özara baylanısta äreket etedi. Twraqtı türde jıl sayın, är toqsan sayın osı qızmetterdiñ sarapşılar tobı jinalıp, qajetti şeşimder şığaradı. Jılda eñ kemi bir ret şekara vedomstvolarınıñ basşıları bas qosıp, otırıs ötkizedi. Otırısta qajetti şeşim qabıldap, ol şeşimder jüzege asırıladı. Bwl täjiribe «Intımaqtastıq» degen birlesken şekara operaciyası arqılı atqarıladı. Osı 2019 jılı Qazaqstannıñ şekara qızmetkerleri izdeude jürgen 10 şeteldikti wstap, öz elderine qaytardı. Sonımen qatar, Wlttıq qauipsizdik komiteti jedel izdeu jwmısın wyımdastıradı. Osı jwmıstıñ barısında 2019 jılı terrorizm men ekstremizimge qatısı bar 31 şeteldikti wstadıq jäne olar elderine qaytarıldı», – dep mälimdedi.

Eske sala ketsek, biıl Wlttıq qauipsizdik komiteti üş ret jürgizilgen «Jusan» operaciyası nätijesinde Süriyadan Qazaqstanğa 595 qazaqstandıq azamat alıp kelingen. Onıñ 400-den köbi balalar. Sırtqı ister ministrligi mälimetine qarağanda, mwnday kürdeli operaciyağa birneşe el, onıñ işinde AQŞ ta kömektesken. Bwğan deyin 10 er jäne 5 äyel adam Qazaqstanda tıyım salınğan atalmış lañkestik wyımğa qatısı bar degen ayıppen sottalıp, türli merzimge bostandığınan ayırılğan bolatın.

"The Qazaq Times"