QR Bas prokuraturası. Körneki suret. Foto: aşıq derekköz

QR-nıñ bas prokurorınıñ orınbasarı Bolat Dembaev erteñ, 16 jeltoqsan, Täuelsizdik küni ötui mümkin mitingke qatısuşılardıñ "jazalanatının" eskertti.

Qazaqstan biligi halıqqa 16 jeltoqsanda mitingige şıqpau turalı eskertu mändegi ündeu jasadı. Dembaevtıñ resmi mälimdemesinde «bas prokuraturanıñ tüsindiru jwmısına qaramastan jeke adamdar, sonıñ işinde şetelde jürgender äleumettik jeli arqılı alda kele jatqan mereke küni zañsız mitingige şaqırıp jatır. Bwl adamdar «Beybit miting ötkizu» zañın bwzıp otır. Olar zañğa say miting ötkizetinderin aytıp, on kün bwrın jergilikti organdarğa ötiniş bergen joq» delingen.

Vedomstvo ökili «miting turalı habarlanğanğa deyin wyımdastıruşılar belgilengen künge deyin 10 kün bwrın jergilikti atqaruşı organdarğa jazbaşa ötiniş bermegenin» alğa tarta otırıp, erteñ ötui mümkin tağzım jiının «zañ talabın ayqın bwzadı» dep biledi.

Qısqa qayırıp aytqanda, prokuratura «Täuelsizdik küni sankciyalanbağan miting wyımdastıruşılar men qoldauşılar äreketinde äkimşilik qwqıq bwzuşılıq bayqaladı, al olar qandayda bir eleuli ziyan keltirse – qılmıstıq jauapqa tartatının» eskertken. Bas prokurordıñ orınbasarınıñ sözinşe, el halqın  «arandatuşılıq jasamauğa, qoldanıstağı zañnamanı mültiksiz saqtauğa jäne zañsız mitingilerge qatısudan bas tartuğa şaqıradı».

Ädette, Qazaqstan biligi rwqsat etilmegen miting-şerulerge qatısuşı azamattardı jappay wstap, olardı "zañ şeñberinde" ärtürli jauapkerşilikke tartadı. Qazaqstan sotı tıyım salğan «Qazaqstannıñ demokratiyalıq partiyası» şaqırğan jalpıwlttıq şerudi qwzırlı organdar zañsız dep sanaydı. 1986 jılı jäne 2011 jılı bolğan qayğılı oqiğa küni eldegi «Oyan, Qazaqstan», «Qazaqstannıñ demokratiyalıq partiyası» jäne «Halıq qwrıltayı» azamattıq-sayasi qozğalıstarı da alañğa tağzım etuge şığatının habarlağan edi.

"The Qazaq Times"