Qazaqstanda terroristik qauip-qater potencialı joğarı. Resmi WQK baspasöz qızmetiniñ habarlauınşa, 40 qazaqstandıq sodır men olardıñ 65 äyeli şet eldiñ birqatar terroristik wyımdarında jür.

Qazaqstanda terroristik qızmetke qatısı bolğanı üşin izdeude jürgen 31 şeteldik azamattarı wstalğan jäne belgilengen tärtipte basqa memleketterge berilgen. 3 terroristik aktini jasauğa wmtılıstarınıñ bastapqı kezeñinde jolı kesilgen. Almatı jäne Qarağandıda terroristik aktini dayındauğa qatısı barlar 6 jıldan 18 jılğa deyingi merzimge bas bostandıqtarınan ayırıldı. Özge aymaqtarda 7 radikaldıq toptıñ jäne 34 jeke twlğalardıñ qılmıstıq äreketteri beytaraptandırıldı.

Terrorizm jäne dini ekstremizmmen baylanıstı qılmıstarı üşin barlığı 140 adam sottalğan. Qwqıqqa qayşı keletin äreketke jol bermeuge qatıstı qılmıstıq is jürgizu şaraları tek qana senimin özgertuge berilmegen twlğalarğa ğana qatıstı qoldanıladı. Internettiñ veb-resursında 14,5 mıñnan astam terroristik kontent siltemeleri ayqındaldı. Olardı joyu boyınşa jwmıstar jürgizilude.

Ayta ketsek, terroristik aktilerdi aldın alu maqsatında jıl sayın terrorizmge qarsı küres jönindegi jedel ştabatarımen 400-den asa oqu-jattığu is-şara ötedi.

"The Qazaq Times"