Parij qalasında ötken "Normand Formatı" kelissözi eñ negizgi mäselelerdi şeşe alğan joq. Biraq Resey men Ukraina arasında jıl soñına deyin twtqındardı bosatu turalı kelisim jasaldı jäne tört ay işinde tört eldiñ liderleri qayıra kezdesuge uädelesti. 

Kezdesude şekara baqılauın Ukrainağa beru, şığıs aymaqtarda saylau ötkizu jäne Resey gazın Ukrainadan ötkeru sındı negizgi mäseleler şeşimin tappadı. Biraq, Franciya men Germaniya basşıları kezdesudiñ bitimgerşilik bağıtı basım, "zor ümit bar" degen bağaların berdi.

Zelenskiy kezdesu turalı pikirinde: "Biz Reseymen dialogtı jandandırdıq, bwl – jaqsı fakt", – dedi. Al, Resey prezidenti Putin bolsa: "Qandayda bir jwmsarğandıq bar ma? Menşe bar" – degen.

"Normand Formatı" üş jıldan beri alğaş ret ötkizilip otır, sonday-aq bwl, Zelenskiy men Putin arasındağı da alğaşqı resmi kezdesu. Bwl ret kelissöz Ukraina şığısındağı qayşılıqtı şeşu maqsatında ötken bolatın. Köp jaqtı pikirlerdiñ boljağanınday bwl şielenister bir retki kelissözde şeşim taba qoyğan joq. Biraq, sarapşılar Parij kelissözi Resey-Ukraina arasındağı kelissözge jol aştı dep bağalap otır.

“The Qazaq Times”