پاريج قالاسىندا وتكەن "نورماند فورماتى" كەلىسسوزى ەڭ نەگىزگى ماسەلەلەردى شەشە العان جوق. بىراق رەسەي مەن ۋكراينا اراسىندا جىل سوڭىنا دەيىن تۇتقىنداردى بوساتۋ تۋرالى كەلىسىم جاسالدى جانە ءتورت اي ىشىندە ءتورت ەلدىڭ ليدەرلەرى قايىرا كەزدەسۋگە ۋادەلەستى. 

كەزدەسۋدە شەكارا باقىلاۋىن ۋكرايناعا بەرۋ، شىعىس ايماقتاردا سايلاۋ وتكىزۋ جانە رەسەي گازىن ۋكراينادان وتكەرۋ سىندى نەگىزگى ماسەلەلەر شەشىمىن تاپپادى. بىراق، فرانتسيا مەن گەرمانيا باسشىلارى كەزدەسۋدىڭ بىتىمگەرشىلىك باعىتى باسىم، "زور ءۇمىت بار" دەگەن باعالارىن بەردى.

زەلەنسكي كەزدەسۋ تۋرالى پىكىرىندە: ء"بىز رەسەيمەن ديالوگتى جانداندىردىق، بۇل – جاقسى فاكت", – دەدى. ال، رەسەي پرەزيدەنتى پۋتين بولسا: "قاندايدا ءبىر جۇمسارعاندىق بار ما؟ مەنشە بار" – دەگەن.

"نورماند فورماتى" ءۇش جىلدان بەرى العاش رەت وتكىزىلىپ وتىر، سونداي-اق بۇل، زەلەنسكي مەن پۋتين اراسىنداعى دا العاشقى رەسمي كەزدەسۋ. بۇل رەت كەلىسسوز ۋكراينا شىعىسىنداعى قايشىلىقتى شەشۋ ماقساتىندا وتكەن بولاتىن. كوپ جاقتى پىكىرلەردىڭ بولجاعانىنداي بۇل شيەلەنىستەر ءبىر رەتكى كەلىسسوزدە شەشىم تابا قويعان جوق. بىراق، ساراپشىلار پاريج كەلىسسوزى رەسەي-ۋكراينا اراسىنداعى كەلىسسوزگە جول اشتى دەپ باعالاپ وتىر.

“The Qazaq Times”