Foto: https://slon.kg

Memleket basşısı Qasım-Jomart Toqaev Wjımdıq qauipsizdik turalı şart wyımınıñ kezekti otırısına qatısuda. Wyımğa osı jılı Qırğızstan törağalıq etkendikten, sammit Bişkekte wyımdastırılığan.

Sessiyada Qazaqstan, Qırğızstan, Resey, Täjikstan, Belarus' prezidentteri jäne Armeniya prem'er-ministri Nikol Paşinyan Ortalıq Aziyadağı qauipsizdikti nığaytu, terorrizmmen küres, Auğanstandağı qazirgi ahualdı jaqsartu, wyımğa müşe memleketterdiñ äskeri äleueti jäne birlesken äskeri oqu-jattığu ötkizu mäselesin talqılamaq.

Sonımen qatar, wjımdıq qauipsizdik keñesi Jeñistiñ 75 jıldığın merekeleu jönindegi is-şaralar josparın, 2019-2021 jıldarğa arnalğan BWW-nıñ terrorizmge qarsı jahandıq strategiyasın iske asıru jönindegi wyım elderiniñ wjımdıq is-qimıl josparın, täjik-auğan şekarasındağı şielenisti azaytuğa bağıttalğan qosımşa şaralar tizbesin bekitudi josparlap otır.

QR Sırtqı ister ministrligi taratqan mälimdemede: «Birlesken otırıs sındarlı türde jäne dästürli dostıq atmosferada ötti. Kelisilgen qwjattar 28 qaraşada Bişkekte ötetin WQŞW memleket basşıları qatısatın Wjımdıq Qauipsizdik keñesiniñ sessiyasına tüpkilikti qarauğa jäne bekituge şığarılatın boladı», – delingen.

"The Qazaq Times"