Iran özin kiber şabuıldan zardap şeguşi el retinde ataydı. Foto: IRANA

Bir jıl işinde Iranğa 33 ret kiber-şabuıl jasalğan. Bwl turalı sol eldiñ Baylanıs jäne aqparattıq tehnologiya ministrligi mälimdedi.

Iran baylanıs jäne aqparattıq qwraldar ministri Mohammad Javad Johramidıñ mälimdeuinşe kiber-qauipsizdik qızmetkerleri 2018 jılı 33 märte hakerlik şabuıldı qaytarğan. Ol jäne kiber-qauipsizdik mäseleleri memleketter men onıñ azamattarınıñ ömiriniñ bastı mäselesine aynalıp kele jatqanın aytadı.

Myunhende ötken kiber-qauipsizdik taqırıbındağı konferenciyada älem elderiniñ internet qauipsizdigine böletin byudjeti jıl sayın eselenip kele jatqanı mälim boldı. Alayda, mamandar memleketterdiñ kiber-qauipsizdik mäselesin şeşu üşin bwl qarajattardıñ äli de jetikilikti deñgeyde emes ekenin aytadı.

Iran tarabı osı konferenciyada özderin hakerlik şabuıldarğa köbirek wşırauşı el retinde atadı. Wlttıq qauipsizdiktiñ negizgi salalarınıñ biri retinde Iran kiber qauipsizdikti qamtamasız etu üşin Dezhfa jobasın jüzege asırğanı mälim boldı. Bwl joba Irannıñ kiber-qauipsizdikke bağıttalğan wlttıq jobası sanaladı. Derbes 10 keşendi biriktirgen joba Iran kiber-qauipsizdigin qamtamasız etedi dep mälimdedi Iran ökilderi.

“The Qazaq Times”