يران ءوزىن كيبەر شابۋىلدان زارداپ شەگۋشى ەل رەتىندە اتايدى. فوتو: IRANA

ءبىر جىل ىشىندە يرانعا 33 رەت كيبەر-شابۋىل جاسالعان. بۇل تۋرالى سول ەلدىڭ بايلانىس جانە اقپاراتتىق تەحنولوگيا مينيسترلىگى مالىمدەدى.

يران بايلانىس جانە اقپاراتتىق قۇرالدار ءمينيسترى موحامماد جاۆاد جوھراميدىڭ مالىمدەۋىنشە كيبەر-قاۋىپسىزدىك قىزمەتكەرلەرى 2018 جىلى 33 مارتە حاكەرلىك شابۋىلدى قايتارعان. ول جانە كيبەر-قاۋىپسىزدىك ماسەلەلەرى مەملەكەتتەر مەن ونىڭ ازاماتتارىنىڭ ءومىرىنىڭ باستى ماسەلەسىنە اينالىپ كەلە جاتقانىن ايتادى.

ميۋنحەندە وتكەن كيبەر-قاۋىپسىزدىك تاقىرىبىنداعى كونفەرەنتسيادا الەم ەلدەرىنىڭ ينتەرنەت قاۋىپسىزدىگىنە بولەتىن بيۋدجەتى جىل سايىن ەسەلەنىپ كەلە جاتقانى ءمالىم بولدى. الايدا، ماماندار مەملەكەتتەردىڭ كيبەر-قاۋىپسىزدىك ماسەلەسىن شەشۋ ءۇشىن بۇل قاراجاتتاردىڭ ءالى دە جەتىكىلىكتى دەڭگەيدە ەمەس ەكەنىن ايتادى.

يران تارابى وسى كونفەرەنتسيادا وزدەرىن حاكەرلىك شابۋىلدارعا كوبىرەك ۇشىراۋشى ەل رەتىندە اتادى. ۇلتتىق قاۋىپسىزدىكتىڭ نەگىزگى سالالارىنىڭ ءبىرى رەتىندە يران كيبەر قاۋىپسىزدىكتى قامتاماسىز ەتۋ ءۇشىن Dezhfa جوباسىن جۇزەگە اسىرعانى ءمالىم بولدى. بۇل جوبا يراننىڭ كيبەر-قاۋىپسىزدىككە باعىتتالعان ۇلتتىق جوباسى سانالادى. دەربەس 10 كەشەندى بىرىكتىرگەن جوبا يران كيبەر-قاۋىپسىزدىگىن قامتاماسىز ەتەدى دەپ مالىمدەدى يران وكىلدەرى.

“The Qazaq Times”