Irannıñ BWW-dağı ökili. Foto: IRNA,.

Irannıñ BWW-dağı arnayı ökili Ishaq Ale Habib Qauipsizdik Keñesti Izrail'dıñ jaulau äreketterine qarsı därmensizdik tanıttı dep ayıptağan. Onıñ aytuınşa halıqaralıq qauımdastıq Izrail'diñ Palestinağa bağıttalğan ekspanciyasın toqtatuğa jetkilikti äreket etpegen.

Qauipsizdik Keñestiñ kezekti otırısı Batıs Aziyanıñ (Batısta Tayau-Şığıs delinedi) beybitşiligi men qauipsizdigin taqırıp etken. Iran ökili halıqaralıq qauımdastıq Izrail'diñ jaulau äreketterin toqtatuğa därmensiz bolğanın, nätijesinde milliondağan palestinalıqtardıñ qwqıqtarınıñ taptalıp jatqanın aytqan.

Habib sözinde: «Qauipsizdik Keñes 2500-ge juıq qarar qabıldadı. Onıñ 365-i tikeley nemese janamalay Izrail'-Palestina mäselesine qatıstı. Biraq, bwlardıñ eşbiri atqarılğan joq. Izrail' keybir batıstıq elderdiñ qoldauına ie boldı, sodan paydalanıp özderiniñ jaulau maqsattarın jüzege asırıp keledi», – degen.

Düniejüzilik Densaulıq saqtau wyımınıñ mälimetine qarağanda, biıl jıl basınan beri 300-ge juıq palestinalıq qaqtığıstarda qaza tapqan, 30 mıñnan astam adam türli zardap şekken.

“The Qazaq Times”