يران پالەستينا ماسەلەسىنە بايلانىستى بۇۇ-نى ايىپتادى

يراننىڭ بۇۇ-داعى ارنايى وكىلى يسحاق الە حابيب قاۋىپسىزدىك كەڭەستى يزرايلدىڭ جاۋلاۋ ارەكەتتەرىنە قارسى دارمەنسىزدىك تانىتتى دەپ ايىپتاعان. ونىڭ ايتۋىنشا حالىقارالىق قاۋىمداستىق ءيزرايلدىڭ پالەستيناعا باعىتتالعان ەكسپانتسياسىن توقتاتۋعا جەتكىلىكتى ارەكەت ەتپەگەن.

قاۋىپسىزدىك كەڭەستىڭ كەزەكتى وتىرىسى باتىس ازيانىڭ (باتىستا تاياۋ-شىعىس دەلىنەدى) بەيبىتشىلىگى مەن قاۋىپسىزدىگىن تاقىرىپ ەتكەن. يران وكىلى حالىقارالىق قاۋىمداستىق ءيزرايلدىڭ جاۋلاۋ ارەكەتتەرىن توقتاتۋعا دارمەنسىز بولعانىن، ناتيجەسىندە ميلليونداعان پالەستينالىقتاردىڭ قۇقىقتارىنىڭ تاپتالىپ جاتقانىن ايتقان.

حابيب سوزىندە: «قاۋىپسىزدىك كەڭەس 2500-گە جۋىق قارار قابىلدادى. ونىڭ 365-ءى تىكەلەي نەمەسە جانامالاي يزرايل-پالەستينا ماسەلەسىنە قاتىستى. بىراق، بۇلاردىڭ ەشبىرى اتقارىلعان جوق. يزرايل كەيبىر باتىستىق ەلدەردىڭ قولداۋىنا يە بولدى، سودان پايدالانىپ وزدەرىنىڭ جاۋلاۋ ماقساتتارىن جۇزەگە اسىرىپ كەلەدى»، – دەگەن.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە قاراعاندا، بيىل جىل باسىنان بەرى 300-گە جۋىق پالەستينالىق قاقتىعىستاردا قازا تاپقان، 30 مىڭنان استام ادام ءتۇرلى زارداپ شەككەن.

“The Qazaq Times”