Iran SİM basşısı AQŞ-tı Izrail'diñ Palestinanı jaulauına kömektesip otır dep ayıptadı. Onıñ aytuınşa AQŞ-tıñ birjaqtı sayasatı halıqaralıq zañdardı bwzıp, palestinalıqtardıñ müddesin ayaqqa taptağan. Bwl turalı Irannıñ IRNA aqparattıq agenttigi habarladı. 

Iran sırtqı ister ministri Mohammad Javad Zarif atalğan mälimdemesin Bakudegi Palestina taqırıbındağı otırısta jasağan. Ol sözinde: «AQŞ-tıñ qazirgi sayasatı Palestinanı jaulap aludı közdeytin Izrail' rejimine sıbaylas ekenin körsetedi», – deydi.

Zariftıñ pikirinşe AQŞ pen Izrail' Aziya elderi men Batıs elderiniñ qarım-qatınasın qiındatıp, Palestina mäselesine nazar audaruın boldırmauğa tırısadı. Sol arqılı Palestina halqınıñ mäselesin wmıttırıp, özderiniñ jaulau äreketterin jalğastıradı.

Ayta ketu kerek, soñğı kezderdegi AQŞ pen Iran qatınasınıñ qayşılığı asqınıp twrğanı mälim. Eki eldiñ bir-birine jasağan mälimdemelerinde äsire silteu ädetke aynalğan.

“The Qazaq Times”