يران ءسىم باسشىسى اقش-تى ءيزرايلدىڭ پالەستينانى جاۋلاۋىنا كومەكتەسىپ وتىر دەپ ايىپتادى. ونىڭ ايتۋىنشا اقش-تىڭ بىرجاقتى ساياساتى حالىقارالىق زاڭداردى بۇزىپ، پالەستينالىقتاردىڭ مۇددەسىن اياققا تاپتاعان. بۇل تۋرالى يراننىڭ IRNA اقپاراتتىق اگەنتتىگى حابارلادى. 

يران سىرتقى ىستەر ءمينيسترى موحامماد جاۆاد زاريف اتالعان مالىمدەمەسىن باكۋدەگى پالەستينا تاقىرىبىنداعى وتىرىستا جاساعان. ول سوزىندە: «اقش-تىڭ قازىرگى ساياساتى پالەستينانى جاۋلاپ الۋدى كوزدەيتىن يزرايل رەجيمىنە سىبايلاس ەكەنىن كورسەتەدى»، – دەيدى.

زاريفتىڭ پىكىرىنشە اقش پەن يزرايل ازيا ەلدەرى مەن باتىس ەلدەرىنىڭ قارىم-قاتىناسىن قيىنداتىپ، پالەستينا ماسەلەسىنە نازار اۋدارۋىن بولدىرماۋعا تىرىسادى. سول ارقىلى پالەستينا حالقىنىڭ ماسەلەسىن ۇمىتتىرىپ، وزدەرىنىڭ جاۋلاۋ ارەكەتتەرىن جالعاستىرادى.

ايتا كەتۋ كەرەك، سوڭعى كەزدەردەگى اقش پەن يران قاتىناسىنىڭ قايشىلىعى اسقىنىپ تۇرعانى ءمالىم. ەكى ەلدىڭ ءبىر-بىرىنە جاساعان مالىمدەمەلەرىندە اسىرە سىلتەۋ ادەتكە اينالعان.

“The Qazaq Times”