BWW soñğı onjıldıqta eñ iri qarjılıq dağdarısqa wşıradı. Bwl turalı Handelsblatt nemis basılımı habarladı.

BWW-nıñ bitimgerlik operaciyaları üşin byudjet bölek qwraladı. Biıl onıñ kölemi 6,7 milliard dollar bolsa, keler jılğa 6,5 milliard dep bekitilgen. Alayda, wyımnıñ 3,3 milliard dollar bolatın byudjetiniñ 2 milliardı ğana jinalğan. Sebebi, wyımğa müşe key elder tiisti jarnanı audarmağandıqtan, qajetti qarjı qorı jinalmağan. Saldarınan 44 mıñ qızmetkerdiñ jalaqısın töleu qiınday tüsken. Osığan baylanıstı BWW Bas hatşısı Antoniu Guterriş: «Byudjet tapşılığına baylanıstı bizdiñ jwmısımız ben reformalarımızdıñ jüzege aspay qalu qauipi bar. Keler jılğı byudjetke qatıstı wsınıstardı tanıstıra otırıp, wyımğa müşe elderden jarnanı uaqıtılı jäne tolıqtay töleuin swraymın. Al ekonomikalıq qiındıqtarğa qaramastan qarjılıq mindettemelerin orındağan memleketterge alğısımdı bildiremin»,— deydi.

Mälimetter boyınşa, bügingi tañda wyımğa müşe 193 memlekettiñ 129-ı ğana tiisti jarnanı tölegen. Osı rette wyımğa bastı borışkerlerdiñ biri — Qwrama Ştattarı. Qazir AQŞ-tıñ ülesi Bitimgerler qızmetiniñ jalpı byudjetiniñ 28%-ı. Uaşington ötken jılı 380 million dollar tölemese, biıl onıñ wyımğa qarızı 670 million dollarğa jetken. AQŞ prezidenti Donal'd Tramp Amerika jarnasınıñ tım ülken ekenin aytıp, onı reformalaudı wsınıp otır.

"The Qazaq Times"