"Normand törttigi" elderiniñ basşıları. Foto: https://politpuzzle

Reseyge qatıstı sankciyalar öz küşin joymaydı. Biraq, «Normand törttigi» elderine qoyılatın birneşe talaptar bar. Bwl turalı GFR kancleri Angela Merkel' Niderland prem'er-ministri Mark Ryuttemen birlesken baspasöz maslihatında mälimdedi.

«Bizde ilgerileu bayqaladı. Degenmen, äli de tolıqqandı jüzege aspağan josparlar bar. Osı rette Parijde resmi kezdesu wyımdastırıp, mäselelerdi retteuimiz qajet. Al Reseyge toqtalatın bolsaq, sankciyalar joyılmaydı», – dep atap ötti Merkel'.

Osığan deyin Donbass mäselesinde Germaniya ükimeti «Ştaynmayer formulası» boyınşa birneşe uağdalastıqtarğa qol jetkizgen. Berlin atalğan formulanı «Minsk uağdalastıqtarın jüzege asıru jolındağı mañızdı qadam» dep esepteydi.

Ötken seysenbide Donbasstağı qaqtığıstı retteu jönindegi arnayı otırıstıñ nätijesi boyınşa Resey ökili Boris Grızlov barlıq qatısuşılar Ukraina zañnamasında bekitu üşin «Ştaynmayer formulası» boyınşa äreket etuge keliskenin habarlağan. Sonımen qatar, «Doneck jäne Lugansk oblıstarınıñ jekelegen audandarınıñ erekşe märtebesi turalı Zañdı qoldanısqa engizu tärtibi» talqılanğan.

"The Qazaq Times"