Körneki suret. https://journal

Resey men Qıtay tarapınan Amerikanıñ ğarış salasına qauip artuda jäne AQŞ Qorğanıs ministrligi bwğan toytarıs beru üşin öz jwmısın qayta qwruı tiis. Bwl turalı Uaşingtonda ötken Atlantikalıq keñeste AQŞ Qorğanıs ministri kömekşisiniñ orınbasarı Stiven Kitey mälimdedi.

«Eger biz ğarış salasında kezdesetin qauip-qaterlerge zer salsaq, olardıñ uaqıt ötken sayın artıp kele jatqanın bayqaymız. Qauiptiñ bar ekendigi naqtı mälim jäne saldarı eleuli. Qazir Qıtay men Resey, äsirese, ğarışqa qarsı qorğanıs küşin arttıruda, bwl öte mañızdı. Qwrama Ştattarı qwr qalmauı tiis. Älem özgeredi, Qorğanıs ministrligi de onımen birge özgerui tiis. Bwl özgeristerge ğarıştı qosımşa funkciya retinde qarap qana qoymay, bäsekelestikke nazar audarıp, küşimizdi öristetuimiz mañızdı», – dedi Pentagon ökili. Sonımen qatar, Stiven Kitey Resey men Qıtaydıñ ğarış salasındağı dayındığı tek jerdegi ğana emes, bolaşaqta qaqtığıstar men dağdarıstardıñ artuına äkep soğatının atap ötti.

Küni büginge deyin AQŞ ğarış salasında ğana emes, wlttıq qauipsizdikke qarsı is-qimılğa baratın memleketter tizimin jariyalap, qorğanıs salasınıñ mamandarı dabıl qağıp keledi. Osığan baylanıstı 6 qırküyekte Amerika Qarulı qüşter ştabı komitetiniñ törağası, general Djozef Danford halıqaralıq keñes otırısında: «1990 jılı AQŞ ğarışta äskeri salanı damıta bastağan kezde, eşqanday qarsılastardıñ kedergi jasamauın jiti qadağalağan bolatın. Qazirgi uaqıtta kosmos – nağız bäseke alañı. Osı bağıtta Qwrama Ştattarı üşin bastı qarsılas, äri qauip töndiruşi memleketter qatarında Resey, Qıtay, Soltüstik Koreya jäne Iran bar», – dep mälimdegen.

"The Qazaq Times"