Husitterdiñ äue şabuılı. Foto: Irna.

Senbi küni AQŞ prezidenti Donal'd Tramp pen Saud Arabiyasınıñ taq mwrager hanzadası Mwhammed bin Salman telefon arqılı söylesti. Söylesude Yemendegi husit küşteriniñ Saud Arabiyasınıñ mwnay nısandarına jasağan şabuılı turalı talqıladı. Tramp «Saud Arabiyasın qorğauğa dayın ekenin» bildirdi.

Ötken senbide Yemendegi Iran qoldauındağı husit küşteri jäne onıñ jaqtastarı Saud Arabiyasınıñ Aramco attı wlttıq mwnay kompaniyasınıñ nısandarına şabuıl jasağan bolatın. Irandıq IRNA aqparat agenttiginiñ habarına sensek, äue şabuılına 10 wşqışsız wşaq paydalanılğan. Olar Saud Arabiyasınıñ wlttıq mwnay kompaniyasına qarastı «Bahik» jäne «Haris» mwnay öñdeu zauıttarına äueden şabuıl jasağan.

Husit tarabı taratqan mälimdemede, bwl şabuıldı «Saud Arabiyası bastağan koaliciyanıñ Yemendegi qılmıstarına jauap beru» dep atağan. Al, AQŞ prezidenti bwl şabuıl AQŞ pen älem ekonomikasına teris äserin tigizedi dep bağaladı.

AQŞ Memlekettik departamenti şabuılğa baylanıstı Irandı da ayıptadı. Mem. hatşı Mayk Pompeo keşe jasağan mälimdemesinde: «Husit küşteriniñ jasağan şabuılınıñ artında Tehran twr», – dedi. Sonday-aq, Saud Arabiyasınıñ mwnay tapşılığınıñ ornın toltıruğa dayın ekenin bildirgen.

Ayta keteyik, tamız ayınıñ orta şeninde Yemendegi husit küşteri Saud Arabiyasınıñ mwnay nısandarın nısanağa alğan iri şabuıl bolatının eskertken bolatın.

“The Qazaq Times”