AQŞ pen Taliban arasındağı beybitşilik kelissözderiniñ toqtatıluına baylanıstı, AQŞ prezidentiniñ Auğanstandağı ökili Halizat Senat aldında jauap beruge şaqırtıldı.

AQŞ-tıñ Auğanstandağı ökili Zalmay Halizat bwğan deyin tälipterdiñ jetekşilerimen Katarda 9 märte kelissöz ötkizgen bolatın. Eki apta bwrın ol AQŞ pen Taliban negizgi wstanımdar boyınşa pikir birligine kelgenin mälimdegen. YAğni, taraptar kelisimge kelip, AQŞ Auğanstannan qarulı küşterin alıp ketedi, al Taliban eldegi terrorlıq şabuıldardı toqtatıp, «äl-Kaida» sındı terrorlıq toptardıñ äreketin toqtatuğa kepildik beredi dep kütilgen.

Alayda, kelissöz küni de Auğanstannıñ ortalıq qalasında tälipter jağınan qarulı şabuıldar boldı jäne birneşe adam qaza taptı. AQŞ prezidenti tälipter jağınan qarulı şabuıldardıñ toqtamağanın alğa tarta otırıp, Taliban jetekşilerimen kezdesudi jäne kelissözden bas tarttı.

Endi Zalmay Halizat AQŞ Senatı Sırtqı ister jönindegi komitet aldında jauap beruge şaqırtıldı. Oğan «Auğanstan beybitşilik» jobası turalı mälimet beru talaptarın atqarmay keldi degen ayıptar da tağılıp otır.

Ayta keteyik, AQŞ prezidenti Auğanstandağı jaularına qarsı bwrınğıdan da agressivti soqqı beretinin bildirgen bolatın. Alayda, tälipter de öz kezeginde: «Kelissözdi toqtatqanı üşin Tramp bwl äreketiniñ ötemin amerikalıqtardıñ ölimimen öteytin boladı», – dep te eskertken.

“The Qazaq Times”