Äli kezdespegen prezidentter. Foto: Slate

Resey prezidenti Vladimir Putinniñ baspasöz hatşısı Dmitriy Peskov ötken aptanıñ soñında AQŞ jurnalisterin qabıldağanda, Tramp ükimetiniñ Reseymen betpe-bet otırıp, keñinen keñesuge qwlıqsız ekenin ayttı. 12 naurız küni AQŞ Kabel'dik Jañalıqtar saytınıñ «Bükilälemdik Qoğamdıq Forum» bölimine bergen swhbatında Peskov: « Resey jaq AQŞ-Resey eki taraptıñ jii qarım-qatınas jasap, baylanıstardı nığaytıp, ıntımaqtastıqtı jüzege asıru üşin kezdesu otırıstarın ötkizuge ıntalı. Sebebi, eki el qarım-qatınasında talaydan jalğasqan «Wlı toqırau» bar», – dedi.

Dmitriy Peskov sözinde: « AQŞ, Resey sındı elderdiñ ekijaqtı dialogtarğa niet tanıtpauı keşiruge kelmeytin qatelik. Äsirese, qazirgidey älemdik jäne öñirlik qayşılıqtardıñ asqınıp twrğan şağında», – dedi. Bwl turalı Xinhuanet habarlaydı.

Qañtardıñ 20-şı jañasında AQŞ prezidenti bolıp, taqqa otırğan Tramp birneşe ret Putinniñ jeke basına qoşametter men alğısqa wqsas lebizder aytıp, öziniñ AQŞ-Resey qarım-qatınasın jaqsartuğa nietti ekenin bildirgen. Aq üydegi, Kreml'degi, özge elderdegi sayasatkerlerde Tramptıñ prezidenttikke kelui AQŞ pen Resey arasındağı qatınastıñ jaqsaruınan derek beredi degen közqarasta boldı. Alayda eki jaqtı resmi kezdesu otırıstarı, ıntımaqtastıq kelissözder bolmadı. Talaydan Uaşingtonnıñ sayasi qadamdarın añdıp jatıp alğan Mäskeu, endi AQŞ-Resey qatınasın jaqsartuğa nietti ekendikterin aytıp otır.

Kreml' Tramptıñ AQŞ-Resey qarım-qatınasın jaqsartu nietine prezident Putin älde qaşan kelisim bergen dep otır. Sonımen birge özderiniñ AQŞ-pen Siriyadağı «Islam memleketi» qatarlı ekstremistik toptarmen küresude praktikalıq keñeytilgen ıntımaqtastıqqa qol jetkizgenin ayttı. Bwl aldağı uaqıttağı eki el qatınasın jaqsartu üşin köldeneñ tartqan kepili bolsa kerek. Alayda Peskovtıñ oyınşa eki alpauıttıñ ara qatınasın jaqsartuda, AQŞ köbirek wmtılıs jasau kerek eken.  AQŞ Ortalıq Barlau agenttikteriniñ Resey turalı şeşimderi de eki el arasına iritki salıp otır degen oyın da jasırmadı Peskov.

Tramptıñ taqqa keluimen AQŞ-Resey qarım-qatınası jaqsaradı dep kütkenderdiñ ümiti barğan sayın solğın tarttı. Sebebi, soñğı kezdegi öñirlik jäne älemdik qayşılıqtarda eki eldiñ müddeleri teke-tireske tağı tüsti. NATO men Resey armiyasınıñ bir-birine döñ aybat tanıtuı, Ukrain, Şığıs Aziya, Korey tübegi sındı öñirlik qayşılıqtar eki eldiñ ıntımaqtastıqqa wmtılıstarın joqqa şığarğalı otır. «Kelseñ kel!» deytin Kreml'diñ tosın bosay qalıp, AQŞ-qa jılı qabaq tanıtuı aldağı uaqıttağı ülken özgeristerdiñ barlığın bildirse kerek. AQŞ Reseyge qaratqan sankciyasın almasa, Reseydiñ küni barğan sayın qiındaytını tağı bar.

“The Qazaq Times”