Keşege deyingi Oñtüstik Koreyanıñ prezidenti Pak Kın Hen Foto: BBC

Korey tübegi qayşılığı bügingi älemdik BAQ-tıñ bastı nazarında twrğan mäsele. Müddeli taraptardıñ bäri de älemniñ alpauıttarı men suıq qaruına ie elder. Talaydan beri jalğasqan Tayau, Orta Şığıstağı, Şığıs Europadağı şielenisti jağdaylardan keyin älemniñ nazarı tıñ soğıs tuuı mümkin degen Aziyanıñ şığısına audı.

Öñirdegi qauipsizdikke qater töndiretin şarttıñ bäri tolıq deuge boladı. Bir ğana artıq qadam Soltüstik Şığıs Aziyanı soğıs alañına aynaldıruı ğajap emes. Sebebi, halıqaralıq wyımdardıñ eskertuin elemeytin Soltüstik Koreya AQŞ pen oñtüstik körşisine tis tırnağımen qarsı. Özine qarata abaysızda atılıp ketken bir zımıran üşin de derbes zerttep damıtqan yadrolıq qaruın iske qosarı sözsiz.

12 naurız küni, tübek mäselesin onan arı kürdelilestiretin birneşe oqiğa qatarınan tuıldı. AQŞ-Oñtüstik Koreya birlesken äskeri oqu-jattığuına Şığıs Aziyağa äkelingen AQŞ armiyasınıñ auır äskeri tehnikaları men ozıq soğıs qwraldarı paydalanıla bastağanı. Sol küni jäne Pak Kın Heniñ prezidenttikten resmi türde bosatıldı. Demek, 12 naurızdan bastap Oñtüstik Koreyada eki ay merzimde prezident bolmaydı. Oğan qosa «Selena» attı kemedegi 3400 qıtaylıq turist Çenjuğa kirgen kezde jağağa şığuğa qarsılıq bildirip, Oñtüstik Koreyanıñ dümpu tudırdı. Bwl qıtaylıqtardıñ Seulge qaratqan közqarasımen birdey bolıp, eki el qatınasınıñ sınına aynaldı.

Pak Kın Heni prezidenttikten qaldırğan küni onıñ jaqtastarınan 1000-ğa juıq adam alañğa şıqtı. Olar elderiniñ änwranın aytıp, tuların köterip, prezidentterin saqtap qasın dep wrandadı. Alayda alañ sırtın 2000 policiya qorşap twrdı. Korey tübegindegi jağdaydıñ uşıqqan twsında, Seul biligindegi sayasi özgerister tübek mäselesine keri äser berude. Sebebi, twraqtı poziciya jaqtaytın sayasi toptıñ bilik almasuı tübektegi eki el qatınasın jaqsarta qoymaydı. Al, Koreya Konstituciyalıq sotınıñ şığarğan şeşimi boyınşa prezident ökilettiligi toqtatılğannan keyin, jaña prezident tağayındau 60 künnen keyin ğana jüzege asırıladı. Sol şeşim boyınşa 9 mamırda ğana prezident saylau ötkizuge boladı.

Koreya Aqparat ortalığınıñ jäne  KBS telearnasınıñ habarına qarağanda, Oñtüstik Koreyanıñ kelesi prezidenti bolıp, äzirge deyin 29,9 payız qoldaudı ielegen, oppoziciyalıq Demokratiyalıq partiyanıñ jetekşisi boluı mümkin eken. Dese de, AQŞ-Oñtüstik Koreya birlesken äskeri oqu-jattığularınıñ bastalıp, tübek jağdayınıñ eñ uşıqqan kezindegi Seuldegi bilik almasu ülken halıqaralıq oyın boluı da bek mümkin. Auğanstan, Palestin, Irak, Liviya, Siriya, Ukraina mäseleleri älemdegi jımısqı topqa jartı ğasırlıq azıq boldı. Endi ekonomikalıq, ideologiyalıq soğıstıñ betqalqası auısıp, müddeler qaqtığısı maydan auıstıruına tura kelgen boluı mümkin. Ekonomikası qwdirettenip kele jatqan korey, japon, qıtay sındı Şığıs Aziya köşbasşılardıñ ortasına janjal wyımdastıru kimderdiñ oñ jambasına tüsetini anıq bolıp otır.

"The Qazaq Times"