Foto: http://akorda.biz

Qasım-Jomart Toqaev Belarus' prezidenti Aleksandr Lukaşenkoğa jedelhat joldap, 65 jas mereytoyımen qwttıqtadı, – dep habarlaydı Aqorda.

Qazaqstan prezidenti Belarus' eliniñ basşısına memleket qwru isi jäne EAEO ayasındağı ıqpaldastıqtı damıtudağı ayrıqşa eñbegin atap ötken.

Tayauda Lukaşenko Belarus' pen Qazaqstan ekijaqtı qarım-qatınastıñ jol kartasın bekitetinin mälimdegen. Baspasöz maslihatında ol: «Jaqın arada Qazaqstanğa baru mümkindigi tuadı dep oylaymın. Sol uaqıtta özara qarım-qatınastıñ barlıq mäselesin talqılaymız. Biz kezinde qazirgi prezident Toqaev mırzamen asıqpauğa uağdalasqan edik: ekijaqtı qarım-qatınastı bayıppen qayta qarap, jol kartasın äzirleymiz. Bwl qwjattı Nwr-Swltanda bekitemiz», – dedi.

Ayta keteyik, Aleksandr Lukaşenko Belarus'ti 1994 jıldan beri üzdiksiz basqarıp keledi. Qazirgi besinşi prezidenttik merzimi 2020 jılı ayaqtaladı. Osığan deyingi 2001, 2006, 2010 jäne 2015 jıldardağı prezident saylaularınıñ barlığında 75 payızdan joğarı dauıs jinağan. Halıq arasında Lukaşenkonıñ «Europanıñ soñğı diktatorı» degen atağı bar.

"The Qazaq Times"