فوتو: http://akorda.biz

قاسىم-جومارت توقاەۆ بەلارۋس پرەزيدەنتى الەكساندر لۋكاشەنكوعا جەدەلحات جولداپ، 65 جاس مەرەيتويىمەن قۇتتىقتادى، – دەپ حابارلايدى اقوردا.

قازاقستان پرەزيدەنتى بەلارۋس ەلىنىڭ باسشىسىنا مەملەكەت قۇرۋ ءىسى جانە ەاەو اياسىنداعى ىقپالداستىقتى دامىتۋداعى ايرىقشا ەڭبەگىن اتاپ وتكەن.

تاياۋدا لۋكاشەنكو بەلارۋس پەن قازاقستان ەكىجاقتى قارىم-قاتىناستىڭ جول كارتاسىن بەكىتەتىنىن مالىمدەگەن. ءباسپاسوز ماسليحاتىندا ول: «جاقىن ارادا قازاقستانعا بارۋ مۇمكىندىگى تۋادى دەپ ويلايمىن. سول ۋاقىتتا ءوزارا قارىم-قاتىناستىڭ بارلىق ماسەلەسىن تالقىلايمىز. ءبىز كەزىندە قازىرگى پرەزيدەنت توقاەۆ مىرزامەن اسىقپاۋعا ۋاعدالاسقان ەدىك: ەكىجاقتى قارىم-قاتىناستى بايىپپەن قايتا قاراپ، جول كارتاسىن ازىرلەيمىز. بۇل قۇجاتتى نۇر-سۇلتاندا بەكىتەمىز»، – دەدى.

ايتا كەتەيىك، الەكساندر لۋكاشەنكو بەلارۋستى 1994 جىلدان بەرى ۇزدىكسىز باسقارىپ كەلەدى. قازىرگى بەسىنشى پرەزيدەنتتىك مەرزىمى 2020 جىلى اياقتالادى. وسىعان دەيىنگى 2001, 2006, 2010 جانە 2015 جىلدارداعى پرەزيدەنت سايلاۋلارىنىڭ بارلىعىندا 75 پايىزدان جوعارى داۋىس جيناعان. حالىق اراسىندا لۋكاشەنكونىڭ «ەۋروپانىڭ سوڭعى ديكتاتورى» دەگەن اتاعى بار.

"The Qazaq Times"