Foto: centralasian.org

AQŞ-tıñ bwrınğı memlekettik hatşısı Genri Kissindjer Donald Tramp prezident tağına otırğannan keyin Resey men Qwrama Ştattar arasında araağayındıq röl atqaradı. Bild nemis basılımı europalıq arnayı qızmettiñ derekközine silteme jasap, Kissindjer Mäskeumen qarım-qatınastı jaqsartu üşin jaña äkimşilikpen jwmıs isteydi dep jazadı.

Maqalada bwrınğı memlekettik hatşı Qıtay küşeyip jatqanda, Kreml'men dialog jasau dwrıs qadam dep esepteytini jazılğan. Basılımnıñ mälimetinşe, Kissindjer bwrınğı Sovet odağı elderine Reseydiñ basımdıq jürgizuin moyındaudı wsınadı. Mwnan bölek josparğa säykes, Tramp Mäskeuge qarsı sankciyalardı joyuğa talpınadı.

Qazirgi uaqıtta AQŞ-tıñ Senatında Reseyge qarsı sankciyalardı alıp tastaudı qiındatatın zañ jobası qaralıp jatır. Bwl zañ jobada eger Resey Qırım tübegin Ukrainağa qaytarğan jağdayda ğana nemese halıqaralıq qauımdastıqtıñ jäne Kiev biligimen şeşilgen jağdayda ğana sankciyalardıñ küşi joyıladı. Qazirgi qoldanıstağı sankciyalar turalı zañdı prezident keri qaytara aladı.

Kissindjer 1973 - 1977 jıldar aralığında memlekettik hatşı qızmetin atqarıp, AQŞ pen SSRO arasındağı "qırği-qabaq soğıstı" joyuğa küş saldı. Ol sol üşin Nobel' sıylığın alğan.

centralasian.org