AQŞ memelkettik hatşsı Tillerson (oñnan ekinşi). Foto: The Sydney Morning Herald

AQŞ Global Times basılımı Aq üydiñ 7 naurızdağı resmi mälimdemesi boyınşa, AQŞ memlekettik hatşısı Tillerson 15 naurızdan 19 naurız küni aralığında Japoniya, Oñtüstik Koreya jäne Qıtayğa resmi saparlay baratının habarladı.  Bwl onıñ lauazımdı qızmetke tağayındalğannan beri alğaş ret Şığıs-Aziyağa saparı.  7 naurızdağı baspasöz mäslihatında, AQŞ Memlekettik departamentiniñ resmi ökili Dauner AQŞ memlekettik hatşısınıñ bwl jolğı saparınıñ bastı maqsatı «Sad» jüyesin (Thaad raketağa qarsı jüyesi) ornatu isi emes ekenin jetkizdi. Alayda, Soltüstik Koreyadan keletin qauip turalı bir qatar mäseleler jöninde talqı alıp baratının joqqa şığarmadı. Al, halıqaralıq Yonhap aqparatınıñ habarına qarağanda, «Sad» jüyesi ornatu kezeñderge bölip atqarılu üstinde.

AQŞ Memlekettik departamentiniñ mälimetinde, Tillersonnıñ Şığıs Aziyadağı saparı 15 naurız Tokiodan bastaladı. 17 naurız Oñtüstik Koreyağa baratın bolsa, 18 naurızdı Beyjiñ saparına turalap otır. Atalğan elderdiñ joğarı lauazımdıları men mañızdı memlekettik qızmettegi basşılarımen kezdesip, Soltüstik Koreyanıñ yadrolıq jäne zımıran qauip-qaterleri , sonımen qatar, jauaptasu bağdarlamaları turalı keñespek. Al, departament ökili Danuer Qıtaydıñ «Sad» jüyesin ornatuğa qarsılığı turalı: «Sad» jüyesin ornatudağı birden bir maqsat, Soltüstik Koreyanıñ soğıs qaupinen saqtanu. Biz Qıtay tarabımen tikeley pikirtalas jäne dialogtar alıp barudamız. «Sad» jüyesin ornatu özin-özi qorğau şarası bolıp tabıladı. Bir ğana Oñtüstik Koreya emes, AQŞ-Koreya birikken armiyasın qorğau üşin jasalğan şara», – dep tüsindirdi.

Tillersonnıñ Şığıs Aziyadağı saparınıñ eñ mañızdı bölegi – Beyjiñ saparı. Bwl Tramp ükimetiniñ aldağı 4 jıl işindegi AQŞ-Qıtay qatınasınıñ resmi bastalu nüktesi. Tillersonnıñ kömekşisi Rasseldiñ Japoniya Kiodo aqparattıq ortalığına bergen swhbatında, Tillersonnıñ QHR törağası Şi Jinpinge (Si Czin'pin ) kezdesu josparlanıp otırğanın aytqan. Qazir, uaqıt pen eki el basşılarınıñ jwmıs kestesin üylestiru kelissözderi ötkizilude.

Oñtüstik Koreya «Ortalıq gazeti» basılımında, 8 naurız küni,  AQŞ memlekettik hatşısınıñ saparı turalı jan-jaqtı taldau jasalğan maqala jarıq kördi. Onda AQŞ-Koreyanıñ Qıtay qarsılığına qaramastan «Sad» jüyesin ornatuı sözsiz dauıl tudıratın mäsele ekeni aytılğan. Bwl mäselege Qıtaydı kelisim beruge şaqırudıñ özi dausız talas tudıradı. Bwl tartıstıñ äserin azaytu üşin Oñtüstik Koreya AQŞ memlekettik hatşısımen Koreya, Japoniya, Qıtay üş taraptıñ ortaq kezdesuine wyıtqı boluı tiis degen keñesin aytadı. Atalğan basılımda: « Moyındau qiın bolsa da, qazirgi jağdaydan alıp qarar bolsaq, «Sad» jüyesiniñ AQŞ-qa Qıtaydı älsiretu üşin kerek ekeni şındıq», – dep aşıq aytılğan. Korey aqparat qwraldarınıñ habarında, 8 naurız 16 sağatqa deyin, Qıtaydağı koreyalıq Lotte Mart 99 saua dükeniniñ 55-in jabılıp qalğan.

Şığıs Aziyadağı tört eldi aytpağanda, «Sad» jüyesine Reseydiñ de qarsı bolatını belgili. Resey aqparat qwraldarınıñ 8 naurızdağı habarında Kreml' tarabı, Oñtüstik Koreyamen jasasqan sauda-äriptestik kelisimderiniñ bir qatarın küşinen qaldıruğa, tipti basqa da äskeri emes şaralar arqılı Koreyağa qısım tüsiruge dayın ekenin jetkizgen. Qalay degende de, AQŞ memlekettik hatşısı Şığıs Aziyağa saparı sol öñir qayşılığınıñ eñ bir şeşuşi kezeñinde bolğalı twr. Tillersonnıñ Şığıs Aziyadağı saparı  öñirdegi  qayşılıqtıñ şeşim tabuı men uşığuına tikeley äser etetini dausız.

“The Qazaq Times”