Ormuz bwğazında Iran kemesi Britandıq kemeni tospaq boldı ma? Foto: REUTERS.

Britaniyağa tiesili mwnay tasımal kemesi Ormuz bwğazında Iran äskeri kemesiniñ tosqauılına wşırağan. Bwl turalı Britaniya resmi mälimdeme tarattı.

Britaniyanıñ mälimdeuinşe, Iran teñiz küşterine tiesili 3 kater Britaniyağa tiesili mwnay kemesin tosuğa äreket etken. Alayda, mwnay kemelerin qorğap jürgen HMS Montrose äskeri kemesi jetip kelip, irandıq katerler keyin şegingen.

Bwdan bir apta bwrın Gibraltar jağalauında Iran mwnay tankerin Britaniya teñiz küşteri wstağan bolatın. Oğan Süriyağa salınğan halıqaralıq sankciyanı bwzbaq boldı degen ayıp tağılğan edi.

Degenmen, Irannıñ resmi aqparat agenttigi Ormuz bwğazındağı oqiğağa Islam revolyuciyası saqşılar korpusınıñ eş qatısı joq degendi aytqan. Al, Iran SİM tarabı: «Bwnıñ bäri qayşılıqtı örşitu üşin jasalğan. Sondıqtan, bwl mälimdeme negizsiz», – degen.

Qazir AQŞ-Iran qayşılığı örşip, Orta-Şığıs, äsirese Parsı şığanağındağı qauipsizdik mäselesine qater artıp keledi. Irannıñ sayasatına narazı AQŞ qısımı azayatın emes, kerisinşe, sankciya salmağın arttırıp otır. Iranğa bağıttalğan qısımğa soñğı kezderi Britaniyanıñ da qosılğanı bayqaladı. Al, kelisimge qol qoyğan özge eki europalıq elder (Franciya men Germaniya) ünsizdik tanıtıp otır. Jağday jalğasa berse, Ormuz bwğazına jaqın mañda qalayda kemeler arasında qaqtığıstıñ boluı äbden mümkin.

“The Qazaq Times”