Auğanstan Prezidenti Mohammad Aşraf Ğani. foto: khabar.kz

Äñgime barısında taraptar ekijaqtı qarım-qatınastıñ qazirgi jağdayı men perspektivaların talqıladı. Köşbasşılar Auğanstan Islam Respublikasınıñ Prezidenti Mohammad Aşraf Ğanidiñ Qazaqstanğa 2015 jılğı qaraşadağı resmi saparınıñ qorıtındısı boyınşa qol jetkizilgen uağdalastıqtardıñ iske asırılu barısına köñilderi tolatının jetkizdi. Atap aytqanda, soñğı uaqıtta özara tauar aynalımınıñ kölemi aytarlıqtay artqanı bayqalıp otır. Bwl turalı Aqordanıñ resmi saytı habarladı. 

Memleketter basşıları biılğı 12 aqpanda Qazaqstan men Auğanstan arasında diplomatiyalıq qarım-qatınas ornağanına 25 jıl toluına oray birin-biri qwttıqtadı.

Sonday-aq, taraptar Qazaqstan Respublikasınıñ BWW Qauipsizdik Keñesiniñ twraqtı emes müşesi retinde Auğanstan jönindegi komitettiñ törağası ekenin eskerip, Auğanstandağı ahualdı talqıladı.

Auğanstan Prezidenti biıl Astanada ötetin Şanhay ıntımaqtastıq wyımına müşe memleketter basşıları keñesi otırısına, Islam ıntımaqtastıq wyımınıñ ğılım jäne tehnologiyalar jönindegi sammitine qatısatının rastadı.

Telefon arqılı söylesuge Auğanstan jağı bastamaşı boldı.

“The Qazaq Times”