![](https://qazaqtimes.com/kk/content/uploads/2019/07/1557327725_8969-800x480.png?token=16bd7391bdd5cd9c789bbc34cee2726c)
Ukraina prezidenti Vladimir Zelenskiy Resey prezidenti Vladimir Putindi Europa elderiniñ basşıları bas qosatın jaña formattağı kezdesude pikirsayıs ötkizuge şaqırdı. Bwl turalı ukrain prezidentiniñ resmi saytında mälim boldı.
Zelenskiy sözinde: «Söylesu kerek bolsa, söyleseyik. Qırımnıñ kimge tiesili ekenin, Donbassta kimderdiñ joqtığın talqılayıq. Kezdesuge men, Vladimir Putin, AQŞ prezidenti Donal'd Tramp, Wlıbritaniya prem'eri Tereza Mey, Germaniya kancleri Angela Merkel', Franciya prezidenti Emmanuel' Makrondar kelse degen wsınıs bar. Ötetin ornı? Meniñşe, Aleksandr Grigor'eviç Lukaşenko Minskide bizdi quana qarsı aladı», – dep mälimdedi. Zelenskiydiñ bwl bastamasına Belarus' prezidenti Aleksandr Lukaşenko qoldau bildirip otır. Al Resey prezidentiniñ baspasöz hatşısı Dmitriy Peskov Mäskeudiñ aldağı künderi jauap beretinin ayttı.
Osığan deyin «Rossiya 24» jäne ukraindıq NewsOne telearnaları birigip el twrğındarı arasında dialog wyımdastıru maqsatında teleköpir ötkiziletinin habarlağan. Alayda, bastama sayasi twrğıdağı sıni pikirlerge baylanıstı ötpeytin boldı. Sonımen qatar, 8 şildede Vladimir Putin italiyalıq basılımğa swhbat berip, «Ukraina prezidenti bolıp Vladimir Zelenskiy saylanğannan keyin Mäskeu men Kiev qarım-qatınasın jaqsartu mümkin be?» degen swraqqa Putin «bwl üşin Ukraina basşısı saylau aldındağı uädesin orındauı tiis» dep jauap berdi. «Zelenskiy Donbassta öz otandastarımen tikeley baylanıs ornatudı jäne olardı separatist dep ataudı toqtatuı kerek» dedi Resey prezidenti. Sonımen qatar, Putin Resey Euroodaqpen tolıq formattı qarım-qatınastardı qalpına keltirip, Ukrainamen aşıq dialog jürgizuge dayın dep mälimdegen.