Foto: VVS

Birikken Arab Ämirlikterinen qaşqan hanşayım Hayya bint Äl-Huseyn advokat kömegine jüginip, Britaniya Joğarı sotına şağım tüsirdi.

«Bwl Dubay bileuşisiniñ äyeli ajırasu turalı şeşim qabıldağanın jäne sot process qorıtındısı boyınşa rekordtıq ötemaqı talap etetindigin bildiredi. Al älemdik sayasatta bwl jağdaydıñ BAÄ men Wlıbritaniya baylanısına nwqsan keltiru qaupi bar», –  deydi «Times» basılımı.

3 şildede Hayya hanşayımnıñ Dubaydan qaşıp ketkeni turalı aqparattar tarağan bolatın. Keyinnen onıñ Londonda jasırın twrğanı belgili boldı. Britandıq tabloidtar bwğan deyin hanşayımnıñ BAÄ-den 11 jasar qızımen jäne 7 jasar wlımen Germaniyağa qaşıp ketkenin habarlağan. Biraq, Germaniya biligi bwl habardı rastamadı. «The Sun» gazetiniñ aqparatı boyınşa, hanşayım özimen birge 39 mln dollarğa juıq aqşa alğan. Şeteldik basılımdar hanşayımnıñ biraz uaqıti boyı şeyhtan jäbir körgenin, zorlıq-zombılıqpen ömir sürgenin jazdı. Äzirşe, BAÄ bilgi bwl aqparatqa qatıstı mälimdeme ejasağan joq. Eger Dubay Hayya hanşayımdı elge qaytarudı talap etken jağdayda, Wlıbritaniya men BAÄ diplomatiyalıq qarım-qatınasına nwqsan kelui mümkin.

Hayya bint Äl-Huseyn Iordaniyada düniege kelip, Britaniyadağı Badminton mektep-internatında jäne Brayenston mektebinde oqığan. Oksford universitetiniñ studenti bolğan. 2004 jılı ol BAÄ vice-prezidenti men prem'er-ministri, yağni Dubay bileuşisi şeyh Mohammed ibn Raşid Äl-Maktumnıñ altınşı äyeli boldı. 2007 jılı qızı, al 2012 jılı wldarı düniege kelgen. Derekter boyınşa, şeyh Mohammed ibn Raşid Äl-Maktumnıñ nekedegi äyelderinen 23 balası bar.

"The Qazaq Times"