Tramp jaña sankciya turalı mälimdedi. Foto: VOA

AQŞ prezidenti Donal'd Tramp jeksenbi küni mälimdeme jasap, düysenbi künnen bastap Iranğa qarsı jaña sankciya engiziletinin mälimdedi. Ol atalğan mälimdemesin Villa David qalasında ötken birqatar lauazımdılarmen bas qosqan jiında atap ötti. 

AQŞ prezidenti jeksenbi küni jasağan mälimdemesinde, Iranğa bağıttalğan ekonomikalıq sankciyalardıñ qaşan joyılatının da atap ötti. Ol sözinde: "Iran eşqaşan yadrolıq qaruğa ie bola almaydı. Tehran qaşan sındardı damu jolına tüskende, ekonomikalıq sankciyalar joyılatın boladı", – degen. Ol jäne jurnalisterge bergen jauabında: "Iran yadrolıq qarudan bas tartqan kezde men olardıñ dosı bolamın", – dedi.

Birqatar şeteldik aqparat qwraldarı, AQŞ pen Iran arasındağı soñğı jağdaylardan keyin Tramptıñ jasağan mälimdemesi el kütkennen älde qayda jwmsaq boldı dep qaraydı. Ötken aptada Ormuz bwğazında şabuılğa wşırağan eki mwnay tankeriniñ isine baylanıstı Qwrama Ştat tarabı Irandı ayıptadı. Tehran tarabı bwl ayıptaudı joqqa şığardı jäne ötken apta soñına qaray amerikalıq wşqışsız wşu qwrılğısın atalğan bwğazğa jaqın mañda atıp tüsirdi.

Bwl qayşılıqtarğa baylanıstı älem elderi qaqtığıs qaupinen alañdağan. Tramp bwğan deyin Iran qarulı küşteri AQŞ müddesine ziyan keltiretin bolsa onıñ jauabınıñ tım auır bolatının aytıp kelgen. Bwl jolı AQŞ sankciyamen şekteldi jäne prezident Tramp sankciya talaptarı turalı tolıq mälimdeme jasağan joq.

“The Qazaq Times”