Japon prem'eri Iran saparın bastaydı. Foto: Vestnik Kavkaza.

Bügin Japoniya prem'er-ministri Şinzo Abe Tehranğa (Tegeran) jetip, Irandağı resmi saparın bastaydı. Japoniya bas uäziriniñ Iran saparı 3 künge jalğasadı dep kütilude. 

Şinzo Abo kezekti saparında IIR ruhani kösemi ayatolla Ali Hamenei jäne prezident Hasan Ruhanimen kezdesedi. Japoniya ükimetiniñ keşegi mälimdemesinde, prem'er-ministr Şinzo Abe Irannıñ joğarı lauazımdılarımen kezdesude AQŞ pen Iran arasındağı mäselelerdi talqığa salatının aytqan.

Japoniyanıñ bas uäziri Iran joğarı lauazımdılarımen AQŞ-tıñ yadrolıq kelisimnen bir jaqtı şığıp ketuin, AQŞ-Iran qayşılığın azaytu jäne AQŞ-tıñ ekonomikalıq sankciyalarınıñ küşin joyu mäselelerin keñesedi. Esteriñizde bolsa, AQŞ prezidenti Donal'd Tramp Japoniyadağı memlekettik saparı kezinde prem'er-ministri Abeni AQŞ pen Iran arasındağı qayşılıqtı azaytuğa qoldau körsetuin ötingen bolatın.

Qazir, Iran men AQŞ arasındağı qayşılıqtardı azaytıp, soğıstıñ aldın alu, eki eldiñ qarım-qatınasın jaqsartuğa üşinşi taraptardıñ röli basımıraq. Sebebi, Iran men AQŞ wqsamağan qwndılıqtardı wstanğan, sayasi teke-tireste twrğan elder. Al, Japoniyanıñ AQŞ pen Iran arasındağı qarım-qatınasın retteudegi mümkindigi Europa elderinen joğarı. Japoniya AQŞ-pen jaqın odaqtas bolğanımen, Iranmen tereñ baylanıs ornatqan el. Onıñ üstine Iran mwnay eksportında da Japoniyanıñ alatın orını joğarı. Sauda-ekonomikalıq, mädeni barıs-kelisteri de birşama joğarı deñgeyde.

Sondıqtan da, Japon prem'er-ministriniñ Iran saparı AQŞ-Iran dağdarısına betbwrıs äkelui  mümkin dep kütilude.

“The Qazaq Times”