فوتو: https://sputniknews.kz

پرەزيدەنت قاسىم-جومارت توقاەۆ قازاقستاننىڭ سينگاپۋر، گەرمانيا جانە يوردانياداعى ەلشىلەرىن قىزمەتىنەن بوساتىپ، ديپلوماتتاردىڭ ورنىنا جاڭا ەلشىلەر تاعايىندادى.

اق وردانىڭ رەسمي سايتىندا جاريالانعان جارلىقتا: «اركەن ارىستانوۆ قازاقستان رەسپۋبليكاسىنىڭ سينگاپۋر رەسپۋبليكاسىنداعى توتەنشە جانە وكىلەتتى ەلشىسى قىزمەتىنە; داۋرەن كارىپوۆ قازاقستان رەسپۋبليكاسىنىڭ گەرمانيا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى قىزمەتىنە; ايداربەك تۇماتوۆ قازاقستان رەسپۋبليكاسىنىڭ يوردان حاشيميتتىك كورولدىگىندەگى توتەنشە جانە وكىلەتتى ەلشىسى قىزمەتىنە تاعايىندالدى»، – دەلىنگەن.

ءمالىم بولعانداي، ارنايى جارلىقپەن ۇسەن ابدىقادىرۇلى قازاقستان رەسپۋبليكاسىنىڭ سينگاپۋر رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن، جاڭا زەلاندياداعى توتەنشە جانە وكىلەتتى ەلشى قىزمەتىن قوسا اتقارۋدان;

بولات ءنۇسىپوۆ قازاقستان رەسپۋبليكاسىنىڭ گەرمانيا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن;

ازامات بەردىباي قازاقستان رەسپۋبليكاسىنىڭ يوردان حاشيميتتىك كورولدىگىندەگى توتەنشە جانە وكىلەتتى ەلشىسى قىزمەتىنەن، يراك رەسپۋبليكاسىنداعى، ليۆان رەسپۋبليكاسىنداعى، پالەستينا مەملەكەتىندەگى توتەنشە جانە وكىلەتتى ەلشى قىزمەتىنەن بوساتىلدى.

"The Qazaq Times"