"Dat" gazetter jobasınıñ jetekşisi, JSDP "Aqiqat" partiyasınıñ törağası Ermwrat Bapi prezident saylauına qatısıp jatqan oppoziciyalıq sayasatker Ämirjan Qosanovqa qatıstı öziniñ "Facebook" paraqşasında mälimdeme jasadı. 

Ermwrat Bapi:
MEN QOSANOVTI
QALAY QOLDAYMIN
(swrau belgisin qajet etpeytin bastı taqırıp)

Saylaudıñ soñında qarayğan halıqqa ne qaladı:
1. Qosanovtıñ jeñisi me?
2. Toqaevtıñ prezidenttik ligitimdigi me?
3. Qosanovtı qoldağan dauısı tırday tonalğan halıqtıñ aşıq alañğa - Maydanğa şığuı ma?

"Ämirjandı nege qoldamay jatırsız?" dep, jelidegi jwrtşılıqtıñ
taqaqtağan talabına oray joğarıdağı üş swraq-nwsqa töñiregindegi oyımdı aytayın. (Bwl - Ämirjannıñ jaqtastarı men feykteri jamırap jatqanday, "qızğanıştan" emes, qalıptasqan jağdaydı sayasi twrğıda saraptaudan tuğan jäne künibwrın jazılğan pikir edi: jariya etudiñ kezi keldi dep oylaymın).

Nazarbaevtıñ közi tirisinde, birinşi nwsqanıñ orındaluı mümkin emes. Ol öziniñ siresip otırğan ornın, 30 jıl boyı "jiğan-tergenin" köldeneñ kök attığa wstatıp qoya bermeydi. Bwl nwsqa jüzege asuı üşin, saylau turalı zañdılıqtardan bastap, "ekstremizm jasadı" dep, keşe ğana qılmısqa tartılğan üş äyelge qatıstı biliktik teris közqaras tübirimen özgerui tiis.

Al eger birinşi nwsqa orındalmaytın bolsa, biraq añğal halıq qoğaday japırılıp, bolaşaq "özgeristerdiñ kepili" - Qosanov üşin saylau uçaskelerine dauıs beruge keletin bolsa, 50-60 payız "yavka" jüzege asadı degen söz. Biraq bizdiñ saylaulardıñ tağdırın saylauşınıñ dauısı emes, "izbirkomnıñ" protokolı şeşedi. Kimge qanşa dauıs jazu kvotasın CIK anıqtaydı, al "raznaryadkanı" tek qana N.Nazarbaev beredi. Özgeris tilegen halıq birinşi kezekte osınday pahandıq saylau tärtibin qalıptastırğan twtas sayasi jüyeni tas-talqan etui tiis.
YAğni, dauıs "böludiñ" nazarbaevtıq kvotalıq jağdayında, özgeris tilegen halıqtıñ esil erik-jigeri men adal nietin arampiğıl bilik öz müddelerine paydalanıp keteri sözsiz.
Demek, naqtı jağdayda oppoziciyalıq kandidattıñ "beykünä" kömegimen "Toqaevtıñ legitimdigi" qamtamasız etiledi.

Al aqır ayağı, üşinşi nwsqa boyınşa, mısı qwrığan halıq /tobır - tolpa/ özderiniñ tonalğan dauısın keri qaytarudı, dauıs beru qorıtındısın qaytadan jäne aşıq sanaudı talap etip, alañğa - Maydanğa şığa ala ma? Keminde 10 mıñ adam 10 kün boyı Aqordanı qorşap alıp, wrandıp twruğa erik-jigeri jete me?

Mine, bwl prezidenttik saylauda Qosanovtı qostaudıñ men üşin negizgi qağidası osı - üşinşi nwsqa dep bilemin. Bwl - teñselisti (potryasenie) tileu, töñkeriske şaqıru emes. Bwl - meniñ Qosanovtı qoldaudağı bastı jäne naqtı qalıptasqan jağdayda basqa balama nwsqası joq wstanımım. Eger büginde täuelsiz ümitkerdi "Qoldaymız!" dep, "Wlı dalanı" dür silkindirip, tipti qoldauşılar men qarsılastar bir-biriniñ jeke basına deyin jer-jebirine jetip jatqan halıq / tobır/ özderiniñ azamattıq tañdauın qorğay almaytın bolsa; Qosanovtıñ saylaudağı jeñisin qoldan bergen, Toqaevtıñ taqqa mingizgen bwl dürmektiñ dünielik qwnı bar ma? Bügingi alaşapqın qoldaudıñ soñğı nätijesi jalğandıq pen ötirikke könu bolsa, "köp qorqıtadı" degen halıqtıq qwdirettiñ qayda qalğanı?
(Bwl saylauda "qoğam ısıladı", "tribunanı paydalanıp qalayıq", "kelesi saylauğa täjiribe jinayıq", "qarsılıq tanıtamız", "adam ekenimizdi bildiremiz", t.b. uäjderdiñ qajeti joq. Bizdiñ qazaq eşqanday saylausız-aq ädben ısılğan, özgeristerge degen añsarı asqınıp twrğan, jaña bilik pen jasampaz jañalıqtarğa äldeqaşan layıq bolğan halıq!).

Mine, men Ämirjannıñ ükili ümitkerligin osı - üşinşi nwsqa üşin qoldaymın! Basqa dabıranıñ bäri beker! Sebebi, birinşi nwsqa - bos qiyal. Halıq ol qiyaldı tas-talqan etip, añızdı şındıqqa aynaldıra almaytınına köz jetken.
Ekinşisi - Nwr-swltanattıñ monarhiyasın notarial'dandıratın jol. Dalbalaqtap jürip, aqırında sımbılsız qalatın halıqqa qalatını - üşinşi nwsqa.

Al alañğa atoylap şıqqan halıqtıñ aldında "wtılğan" ümitkerdiñ özi jüre ala ma degen swraq - Ämirjannıñ özine baylanıstı jäne sayasatkerdiñ sın sağatın ayqındaytın mäsele... Soñğı üş-tört künde meniñ bir bayqağanım: eldegi özgeriske janı äbden qwştar bolğan halıq ümitkerdiñ atımen, Qosanovtıñ bwdan arğı qatısuınsız-aq dünieni töñkerip tastauğa dayın siyaqtı.
Bwl swrapıl jağday - bilikke ülken signal. Oğan Aqorda men "prezidenttik kitaphana" qanday qam jasaydı - bwl da ülken swraq: şaması, şoqpar men mıltıqqa jüginbeu üşin, Qosanovqa "qoy" deytin bolar nemese onı saylaudan alıp tastaudıñ amalın jantalasa izdep jatqan bolar... YAğni, biliktiñ janwşırğan scenarii boyınşa, mısal üşin, 31-mamır - sayasi quğın-sürgin küngi mitingilerdi küşpen taratu jäne kezekti qamaularğa narazılıq belgisi retinde, Ämirjan öziniñ kandidaturasın saylaudan alıp tastauı tiis. Bwl - betpaq bilik pen qaytpas qoğamnıñ teke-tiresin "beybit jolğa" bwrudıñ bir amalı. Biraq bwdan azamattıq qoğam biliktiñ degenine köndi degen qorıtındı şığadı.

Situaciya kerisinşe bolu üşin, bilik Qosanovtıñ ekinşi orının (keminde 20-25 payız) moyındauı tiis. Biraq bwğan saylaudıñ qojayını - N.Nazarbaev köne me? Ol şoqpar men mıltıqtı tañday ma, joq älde Qosanovtıñ ümitkerligin jalau etip, özgeris üşin özeurep, alañğa şıqqan halıqtıñ qalauın tıñday ma?
Mine, eñ soñında osınday swraqtardıñ şeşimine Qosanovtıñ kandidaturası katalizator boladı, bwl saylaudıñ özinen de äldeqayda mañızdı trend dep sanaymın.
Qosanovtıñ ötpeytini (ötkizbeytini) anıq, biraq halıqtıñ sözi öte me? Halıq bilikke sözin ötkize almaytın bolsa, Qosanovtı qoldaudıñ bügingi dürmeginen ne payda?...

"The Qazaq Times"