Photo: centralasian.org

29 mamırda "Habar" arnasında tikeley efirde prezidenttikke ümitkerlerdiñ arasında debat ötti. Bir jarım sağatqa sozılğan tele-debattıñ wyımdastırıluına byudjetten 41 million teñge jwmsaldı.

Teledebatqa Qazaqstannıñ qazirgi prezidenti, "Nwr Otan" partiyası wsınğan kandidat Qasım-Jomart Toqaev, "Aq jol" partiyasınıñ kandidatı Daniya Espaeva jäne "Auıl" partiyasınıñ kandidatı Töleutay Rahımbekov kelgen joq.

Debatqa Jambıl Ahmetbekov, Ämirjan Qosanov, Amangeldi Taspihov, Sädi-Bek Tügel, Toqaevtıñ senimdi ökili Mäulen Äşimbaev, Espaevanı wsınğan "Aq jol" partiyasınıñ törağası Azat Peruaşev, Rahımbekovtiñ ornına "Auıl" partiyasınıñ jetekşisi Äli Bektaev qatıstı.

Atalğan tele-debat üş kezeñnen twrdı. Birinşi kezeñde ümitkerler özderiniñ saylau bağdarlamasın tanıstırıp, bir-birine swraq qoydı. Ekinşi kezeñde kandidattar jürgizuşilerdiñ swrağına jauap berdi. Üşinşi kezeñde kandidattar saylauşılarğa qarata söz söyledi.

Biıl Qazaqstanda kezekten tıs prezident saylauı 9 mausımda ötedi. Ortalıq saylau komissiyası jeti adamdı prezidenttikke kandidat retinde tirkegen.

Ayta keteyik, Qazaqstanda tikeley efirde ötken tele-debat osımen ekinşi ret ötkizilip otır. Bwdan bwrın 2005 jılı ötkizilip, sol kezdegi prezident äri prezidenttikke ümitker Nwrswltan Nazarbaev qatıspağan edi.

"The Qazaq Times"