Yemendegi Husit küşteri Saud Arabiyası men Birikken Arab Ämirlikterine tiesili 300-ge juıq nısanğa şabuıl jasaytındarın mälimdedi. Husit qarulı küşteriniñ şabuıl nısanasında Yemen jerindegi äskeri bazalarmen qatar Saud Arabiyası men BAÄ-nıñ öz territoriyaları da bar.

Husit küşteri taratqan mälimette 14 mamırdağı Saud Arabiyasınıñ mwnay stansasına jasalğan şabuıl josparlanğan qarulı operaciyalardıñ bir ğana bölegi ekenin atap körsetken. Bwl operaciyalar josparı naurız ayınan bastap iske asıru közdelgen. Jospar tiziminde atalğan eki elge bağıttalğan 300 qarulı operaciya bar.

Bwğan qarsı Saud Arabiyası da özderine bağıttalğan şabuıldardıñ jauapsız qalmaytının eskertti. Saud äuletiniñ tağındağı korol' Salman äs-Saud bir kün bwrın Şığanaq elderi ıntımaqtastıq keñesi men Arab elderi odağınıñ liderlerin şwğıl türde keñeske şaqırdı. 30 mamırda ötetin keñeste öñirlik qauipsizdik bastı taqırıp etiledi.

Saud Arabiyası, BAÄ jäne AQŞ qatarlı elder Irandı Yemendegi Husit küşterin qoldap eldegi soğıs örtin küşeytti dep ayıptap kelgen. AQŞ tarabı Iranğa qaratqan eskertuinde IIR qarulı küşterinen tıs olar qoldaytın qarulı toptardıñ da kezkelgen şabuılın Tehrannıñ äreketi retinde qabıldaytının aytqan.

“The Qazaq Times”