Resey prezidenti Vladimir Putin Irannıñ yadrolıq kelisimi turalı pikirin bildirip, 2015 jılğı kelisimnen keyin Tehrannıñ aşıq yadrolıq bağdarlama jürgizip kelgenin ayttı. Bwl turalı Irannıñ IRNA aqparattıq agenttigi habarladı.

Putin sözinde Irannıñ yadrolıq bağdarlama jönindegi lauazımdılarımen kezdesui kezindegi mälimetterge silteme jasay otırıp, Irannıñ kelisimge say äreket jasap kelgenin rastağan. Degenmen, 2015 jılğı kelisimniñ saqtalıp qaluı bir ğana Reseyge ğana baylanıstı emes ekenin aytadı.

Al, Irannıñ 2015 jılğı kelisimnen şığuı turalı da öz pikirin bildirgen. Ol Irannıñ atalğan kelisimnen şığuı Iran üşin tiimsiz bolatının, sebebi, Tehran tarabı kelisimnen şıqqan sätten bastap, dağdarıstıñ barlıq kinäsi Iranğa jüktelip, kelisimnen eñ aldımen bas tartqan Qwrama Ştattıñ äreketi wmıtılıp ketetinin aytadı.

Qazir Iran mäselesi  halıqaralıq eñ özekti taqırıpqa aynadı. Sebebi, ekonomikalıq dağdarıstardan tığırıqqa tirelgen Iran qarulı äreketterge baruı da mümkin degen boljamdar bar. Bwl AQŞ pen Iran arasında qarulı qaqtığıstardıñ qaupin barğan sayın arttıruda.

 “The Qazaq Times”