Irak Reseyden S-400 äue qorğanıs jüyesin satıp almaq

Irak Reseyden S-400 äue qorğanıs jüyesin satıp alu şeşimin jariyaladı. Bwnday şeşimdi Iraktıñ Mäskeudegi tötenşe jäne ökiletti elşisi jetkizgen.

Mäskeude ötken konferenciyada reseylik kompaniyalardıñ Iraktağı investiciyasın arttıruğa müddeli ekenin bildirgen Irak elşisi Aydar Mansur Hadi, Bağdar biligi şeşim şığarıp, Reseyden äue qorğanıs jüyesin satıp aluğa bekigenin ayttı.

Reseylik S-400 äue qorğanıs jüyesin satıp alu turalı eki el ükimeti bwğan deyin birneşe ret kezdesu ötkizgen. Bwğan qosa Irak pen Resey mwnay-gaz salasında ıntımaqtastıqtı arttırıp keledi. Kezekti mälimdemesinde Irak elşisi Hadi reseylik «GazProm»-nıñ eldegi investiciya kölemin 30 mln AQŞ dollarına jetkizudi qalaytının ayttı.

Iraktıñ reseylik äue qorğanıs jüyesin satıp aluı AQŞ tarabınan qarsılıqqa wşırauı mümkin. Sebebi, Irak pen oğan jaqın arab elderinde Qwrama Ştattıñ mañızdı äskeri bazaları jii ornalasqan. AQŞ reseylik qorğanıs qwrılğısı F-35 sekildi mañızdı strategiyalıq äue tehnikalarına qauip töndiredi dep alañdaydı.

“The Qazaq Times”