«AQŞ wlttıq qauipsizdiginiñ eñ ülken probleması – Qıtay». Bwnday pikirdi Qwrama Ştattıñ BWW-dağı bwrınğı ökili Nikki Heyli Seulde ötken halıqaralıq konferenciyada ortağa saldı. Onıñ bwl pikirin AQŞ-tıñ Fox News tele arnası taratqan. 

«Qıtay bizdiñ wlttıq qauipsizdigimizdiñ bastı mäselesine aynaldı. Bwl Qıtaydı Qwrama Ştattıñ jauı boldı degendi bildirmeydi. Biraq ol Qwrama Ştattarmen qatıstı sauda jäne investiciyalıq jobalarğa qatısuşı, Qwrama Ştattıñ eñ bastı strategiyalıq bäsekelesi jäne äskeri qarsılas boluğa da äleueti bar», – deydi Heyli hanım.

Nikki Heyli Qıtay agressiyalıq äseri teoriyağa säykes damitınına kelispeytinin bwğan deyin de aytqan bolatın. YAğni, teoriyağa säykes, Qıtay bay memleketke aynalğannan keyin onıñ işki sayasatı aşıqtıqqa bet bwradı, işki jäne sırtqı qatınastarğa qatıstı sayasatı Qwrama Ştattarına wqsas jüredi dep kütilgen. Heylidiñ aytuınşa, Qıtaydıñ qazirgi basşısı Şi Jinpiñ bwl ümitti selge ketirdi.

Heylidiñ aytuınşa, Qıtaydıñ ekonomikalıq damuı onı demokratiyalandırğan joq, kerisinşe Qıtay biliginiñ qatañ rejimge aynaldırdı. Sonday-aq, Qıtaydıñ äskeri ambiciyası qauipsizdik pen qorğanıstı kepildik etumen şektelmeydi, onıñ älemdi ürkitip-qorqıtu maqsatı bar dep qaraydı.

Ol sözinde, Qıtay Şi Jinpiñ basşılığında qatañ rejimdegi memleketke aynaldı dep bağalağan. Äri, bwl rejim AQŞ-tı qamtığan birqatar şet memleketterden ziyatkerlik menşik qwqığın wrlau jäne ekonomikalıq sayasat arqılı özge elderge, sol elderdegi öz rejimin sınağan adamdarğa qarsı baqılau men ıqpal etudi küşeytuge barın salıp jatqanın aytqan. Bwl sol eldegi adamdardıñ da oylau äserine ıqpal etken. Aytalıq, amerikalıqtar iskerlik oylarğa jüginse, qıtaylıqtar quattı sayasi oylarğa jüginedi.

Ayta keteyik, Nikki Heyli Qwrama Ştattıñ ülken sayasatındağı tanımal äyel sayasatkerlerdiñ biri. Respublikaşıldar ökili Heyli Oñtüstik Karolina Ştatınıñ gubernatorı, Qwrama Ştattağı BWW-dağı arnayı ökil (2016 jılı qaraşada tağayındalğan)  qızmetterin atqarğan. 2018 jılı qazanda bwl qızmetinen otstavkağa ketti jäne Tramp äkimşiligimen qoştastı.

“The Qazaq Times”