Iranğa qarsı ekonomikalıq qısımnıñ soñğı sol eldegi ekonomikalıq dağdarısqa alıp keldi. Şarasız qalğan Iran rejimi qanday da bir qarsılıq äreketterge baruı mümkin. Tipti qarulı qaqtığıstıñ da mümkindigi barğan sayın artıp keledi. Bwl körşiles aymaqtar men älem elderin alañdatuda.

Al, AQŞ prezidenti Donal'd Tramp Iran AQŞ-tıñ öñirdegi müddesine qarsı qarulı äreketterge baratın bolsa onıñ saldarı Iran üşin asa auır bolatının eskertti. Bwnday mälimdemeni ol Vengriya prem'er-ministri Viktor Orbandı qabıldau kezinde ortağa saldı.

«Iranmen aradağı qayşılıqtıñ qalay şeşim tabatının uaqıt körsetedi. Eger, Qwrama Ştattarğa qarsı äreketterge baratın bolsa bwnıñ saldarı Iran üşin asa auır boladı. Biz qatañ jauap qaytaramız», – degen prezident Tramp.

Iran mwnay eksportınıñ şekteuge wşırauı el ekonomikasın auır därejede twralattı. Dağdarıs jalğasa tüsse, bwl Iran rejimi men halqı üşin ülken qiındıq alıp kelmek. IIR rejimi bwl sınaqqa qarsı twruğa qauqarlı ekenin aytuda.

Alayda, eldegi sayasi qarsılıqtar da küşeye tüsken. Qarulı küşter jasağan mälimdemede, qajet bolsa Parsı şığanağındağı AQŞ kemelerine äue şabuılın jasauğa dayın ekenderin de ayttı. Bwl Orta-Şığıstağı twraqtılıq pen qauipsizdikke ülken qater tönip kele jatqanın añğartadı.

“The Qazaq Times”