Foto: The Qazaq Times

«BJZQ» AQ pen «Qazpoşta» AQ eldiñ şalğay eldimekenderin zeynetaqı qızmetterimen qamtu maqsatında Qordıñ salımşıları men aluşılarına «Qazpoşta» AQ bölimşelerinde qızmet körsetu boyınşa birlesken jobanı iske qostı.

Eske sala ketelik, 2018 jılı zeynetaqı qızmetterin eldiñ şalğay audandarındağı poşta bölimşeleri arqılı körsetu turalı «BJZQ» AQ pen «Qazpoşta» AQ arasında Memorandumğa jäne agenttik kelisimge qol qoyılğan bolatın.

Qazir «Qazpoşta» AQ operatorları arnayı oqıtu kursınan ötken soñ,  «BJZQ» AQ-tıñ qızmet körsetu ortalıqtarı joq eldimekenderde zeynetaqı qızmetteri körsetile bastadı. Osılayşa ekonomikalıq twrğıdan belsendi halqınıñ sanı 2 mıñnan asatın 94 eldimekenniñ twrğındarı zeynetaqı qızmetterin wlttıq poşta baylanısı operatorı arqılı aluğa qol jetkizdi. Bwl rette zeynetaqı qızmetteri wlttıq poşta jelisi arqılı Aqtöbe, Almatı, Atırau, Batıs Qazaqstan, Jambıl, Qarağandı, Qızılorda, Qostanay, Mañğıstau, Soltüstik Qazaqstan, Türkistan jäne Şığıs Qazaqstan oblıstarınıñ eldimekenderinde körsetiledi.

Atap aytsaq, bwl auıldar men kentterdiñ twrğındarı Qazpoşta bölimşelerinde mınaday qızmetterdi aladı:

  • salımşınıñ (aluşınıñ) qosımşa derektemelerin (jeke kuäliginiñ nömiri, telefon nömiri, elektrondıq jäne poştalıq mekenjayı) özgertu/tolıqtıru turalı ötiniş beru;
  • habarlau täsilin özgertu (belgileu) (onıñ işinde «BJZQ» AQ elektrondıq formattağı qızmetterine qol jetkizu) turalı kelisimge qol qoyu.

"The Qazaq Times"