Şveycariya Soltüstik Koreyağa kömek körsetpek

Şveycariya Soltüstik Koreyağa kömek körsetpek.

BWW-nıñ habarlauınşa, Şveycariya ükimeti Soltüstik Koreyağa 2,8 mln dollar qarjı beruge dayın. Bwl soma – halıqaralıq wyımdar men memleketterdiñ Soltüstik Koreyağa bergeli otırğan qarjısınıñ jartısına teñ. Onıñ işinde 5,7 mln dollar qarajat azıq-tülik önimderine jwmsalsa, 13,8%-ı auız su tazartuğa jwmsalmaq. Al Şveycariyadan keyin eñ köp qarajattı Şveciya bergeli otır. Onıñ wsınğan qarjısı barlıq gumanitarlıq kömektiñ 42%-ı.

Şveycariyadan bölek, Soltüstik Koreyağa AQŞ jäne Oñtüstik Koreya tarapı da gumanitarlıq kömek körsetip keledi. Reuters agenttiginiñ habarlauınşa, atalğan memleketterdiñ KHDR-ğa gumanitarlıq kömek körsetui yadrolıq qarusızdanu mäselesin şeşuge ıqpal etedi. Osığan oray, Amerika men KHDR halıqaralıq sankciyalarğa qatıstı Korey tübegindegi ekonomikalıq jağdaylardı talqılağan bolatın.

2018 jıldıñ 27 säuirinde Oñtüstik Koreya prezidenti Mun Çje In men KHDR basşısı Kim Çen In arasında tarihi sammit ötken edi. Kelissözder nätijesinde taraptar beybit kelisimşart jasasu nietteri bar ekenin mälimdep, Korey jartıaralın qarusızdandıru josparları turalı kelisken. Sonımen qatar, Halıqaralıq atom energiyası agenttiginiñ (MAGATE) mälimeti boyınşa, Soltüstik Koreya osı qarusızdandıruğa qatıstı kelismişarttı orındamaytının habarlağan. Endi gumanitarlıq järdem jetkizilgennen keyin, atalğan taqırıp qayta talqılanuı mümkin.

"The Qazaq Times"