Qazaqstan Respublikası Sırtqı ister ministrligi keşe Şri-Lanka ortalıq qalası men birneşe iri qalalarında bolğan terroristik şabuıldardı ayıptadı. Bwl turalı Sırtqı ister ministrliginiñ resmi saytında jazbaşa mälimdeme tarattı.

Mälimdemede Qazaqstan tarabınıñ 21 säuirde Şri-Lanka astanası Kolomboda jäne Negombo men Battikaloa qalalarında bolğan terroristik şabuıldardı qatañ ayıptaytını aytılğan. Qazaqstan tarabı terrorizmniñ kez-kelgen körinisterine qarsı ekenin, terrorizmge qarsı küresti belsendi türde qoldaytının jetkizgen.

Bwğan qosa mälimdemede, terrorizmge qarsı keñ auqımdağı halıqaralıq koaliciya qwru arqılı lañkestikke qarsı kürestegi halıqaralıq äreketterdi üylestiruge şaqırğan. Äri, Şri-Lankadağı şabuıldan köz jwmğan beybit twrğındardıñ tuğan-tuıstarına köñil aytqan.

Ayta keteyik, keşe Şri-Lankanıñ birneşe qalasında terrorlıq şabuıl bolıp, şirkeu men qonaq üy jäne äleumettik orındarğa bağıttalğan şabuıldan 250-den astam adam köz jwmıp, 400-den astam adam zardap şekken bolatın. Qazirge deyin birde bir wyım terrorlıq şabuıldı öz moynına alğan joq. Alayda, eldiñ qorğanıs ministri şabuıldı kimderdiñ wyımdastırğanın biletinin aytqan.

“The Qazaq Times”