Foto: https://cdnimg.rg.ru

Belarus' ükimeti Reseyden tasımaldanatın mwnaydıñ sapasız ekendigin ayttı. Bwl turalı Politico habarladı.

Belarus' «Belneftehim» koncerniniñ ökili Marina Kostyuçenko reseylik Urals eksporttıq qospasınıñ sapası sın kötermeytindigin aytıp, şağımdandı. Äsirese, «Gomel'transneft' Drujba» magistral'dı mwnay qwbırı uçaskesine tranzitpen kelip tüsetin mwnaydıñ naşarlauı Belarus' ükimetine qarjılıq qiındıqtar tuğızıp otır. Mälimetter boyınşa, qospanıñ qwramında ol mwnay öñdeu zauıttarı jwmısınıñ tehnologiyalıq rejimin bwzatın hlorlı organikalıq qosılıstar bar.

Mwnay ülgileri «Gomel'transneft' Drujba» AAQ zerthanasımen Belorussiyadağı reseylik kompaniya ökiliniñ qatısuımen zerttelgen. Osığan baylanıstı Belorussiya «Transneft'» AQ ökilderine şağım tüsirip, reseylik mqnaydı paydalanıp otırğan özge de memleketterge eskertu jasağan.

Osı uaqıtqa deyin Belarus' Reseyden mwnay önimderin satıp alıp, eksporttap kelgen. Endi Resey özine qauip bolğan ekonomikalıq dağdarıstı eñseru üşin, mwnay bağasın ösiru turalı şeşim şığardı. YAğni Mäskeu tarapı 2024 jılı Belarus' importtaytın mwnayğa baj salığın salatının ayttı. Osı mälimdemeden keyin Minsk pen Mäskeu qatınasına sızat tüse bastadı.

12 säuirde Belarus' vice-prem'eri Igor' Petrişenko prezident Aleksandr Lukaşenkoğa Belarus' aumağı arqılı ötetin Reseydiñ «Drujba» mwnay qwbırına şekteu qoyudı wsındı. Petrişenkonıñ sözinşe, mwnay qwbırı osıdan jartı jıl bwrın jöndeu jwmıstarınan ötui tiis bolğan. Biraq ol uaqıtta äriptestik jönindegi kelisimge säykes ol keyinge qaldırılğan. Qazirgi tañda ekologiyalıq mäselelerge baylanıstı qwbırğa şekteu qoyu qajet nemese mwnay tasımalın toqtatu kerek.

Sonımen qatar, Aleksandr Lukaşenko jergilikti aqparat qwraldarına swhbat berip: «Eger de Mäskeu qara altın bağasın qımbattatsa, Minsk iri kölemde ötemaqı talap etedi. Qazir Reseydiñ jaqın odaqtasınan ayırılu qaupi bar jäne osını paydalanıp Belarus'ti özine qosamın dep oylamasın», – degen bolatın. Minsktiñ şağımına qatıstı Mäskeu resmi mälimdeme jasağan joq.

 

"The Qazaq Times"